ZULF

ZULF — 1) ayollarning ikki chakkasidan tushirib qo’yilgan soch tutami, jamalagi; 2) ayollarning ziynat buyumi; gajak kabi chakkaga taqiladi. Tilla yoki tilla suvi yugurtirilgan kumush plastinkadan yasalgan taqinchoq. Uzunligi 8-9 santimetr, naqshlangan naychadan iborat bo’lib, ikki uchiga qubbacha, plastinka qirg’og’iga shokila (simlarga o’tkazilgan marvarid) lar o’rnatiladi. Qizlar, kelinchaklar ikki chakkadagi bir tutam sochlarini (ba’zan qirqib) Zulfdan o’tkazib, ilmog’idan sochlariga osib qo’yadilar.

Manba

O'zbekiston Milliy Ensiklopediyasi