ZEFIR

ZEFIR — 1) o’ziga xos ensiz bo’ylama yo’llari bo’lgan ipgazlama. Bo’ylama yo’llarni yo’g’on tanda iplari yoki rangli iplar hosil qiladi. Zefirdan, asosan, erkaklar ko’ylaklari tikiladi; 2) qandolatchilik mahsuloti, shirinlik. Marmeladning bir turi. Turli ho’l mevalarga qiyom, pektin moddalar, ovqatga ishlatiladigan kislotalar, xushbo’y va rang beruvchi moddalar qo’shib tayyorlanadi.

Manba

O'zbekiston Milliy Ensiklopediyasi