ZARQOG’OZ, folga — 1) rangli, nodir, asl metallar va po’latdan tayyorlanadigan, eni 5-1000 millimetr va qalinligi 0,001—0,2 millimetr bo’lgan varaq yoki lenta Zarqog’oz jo’vali (valesli) prokat stanlarida o’rama (rulon) holida prokatlab chiqariladi. Prokatlab olish qiyin bo’lgan qattiq materiallar eritib olinadi. Oziq-ovqat mahsulotlarini o’rashda, elektrotexnikada kondensatorlar tayyorlashda, termoizolyatsiya va boshqa maqsadlarda ishlatiladi; 2) matbaada — bir tomoni ma’lum miqdordagi bog’lovchi bilan ishqalangan va biror pigment bilan qoplangan kalka yoki shaffof plyonka. Kitob muqovasiga presslab tasvir tushirishda ishlatiladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish