Zakovat intellektual klubi
Zakovat — intellektual teleoʻyin boʻlib, 2001-yildan beri faoliyat yuritib kelmoqda. Uning asoschisi va boshlovchisi — Abdurasul Abdullayev. Rus telekoʻrsatuvi Nima? Qayerda? Qachon? oʻyiniga asoslangan. Dastlab „Yoshlar“, keyin „Oʻzbekiston“ telekanallarida va 2019-yildan beri "Milliy" telekanalida faoliyatini olib bormoqda. Zakovatda turli xil savol javoblar boʻlib oʻtadi. Unda „Zakovat“i kuchli boʻlgan odamlar qatnashadilar
Zakovatning xalqaro versiyalari
Zakovat haqida prezident qarori
2022-yilning 20 yanvar kuni Shavkat Mirziyoyev „Zakovat“ intellektual o‘yinini aholi o‘rtasida ommaviy-maʼrifiy harakatga aylantirish va boshqa intellektual o‘yinlarni rivojlantirishga oid chora-tadbirlar to‘g‘risida"gi qarorni imzoladi. Bu haqda prezident matbuot kotibi Sherzod Asadov xabar berdi.
Mazkur hujjatda 2021 yil oktabr oyida davlat rahbarining Buxoro viloyati Romitan tumanida „Zakovat“ intellektual o‘yinida ishtiroki davomida bildirgan takliflari aks etgan.
Jumladan, „Yangi O‘zbekiston bog‘i“ga tutash hududda „Zakovat intellektual o‘yinlari klubi“ uchun alohida bino hamda „Intellektual o‘yinlar shaharchasi“ barpo etiladi. Mazkur binolar Yoshlar ishlari agentligining balansida bo‘ladi.
2022/2023 o‘quv yilidan boshlab intellektual o‘yinlarning respublika bosqichida g‘olib bo‘lgan o‘quvchi yoshlar va talabalar uchun yil davomida har oyda beriladigan „Zakovat“ stipendiyasi joriy etiladi.
2022 yildan boshlab, bosqichma-bosqich umumiy o‘rta, Prezident, o‘rta maxsus va professional hamda oliy taʼlim muassasalarida „Zakovat“ intellektual klublari faoliyati yo‘lga qo‘yiladi hamda hududlardagi Yoshlar markazlarida intellektual o‘yinlar jamoalari uchun alohida xonalar tashkil etiladi.
2022 yildan boshlab har yili talabalar o‘rtasida Intellektual olimpiada tashkil qilinadi. Unda umumjamoa hisobida dastlabki uchta o‘rinni qo‘lga kiritgan oliy taʼlim muassasasiga
O‘zbekiston prezidenti sovg‘asi topshiriladi.
Intellektual o‘yinlarning respublika bosqichida g‘olib va sovrindor bo‘lgan umumiy o‘rta, o‘rta maxsus va professional taʼlim muassasalari o‘quvchilari hamda OTM talabalari taʼlimning keyingi bosqichiga bazaviy to‘lov-kontrakt asosida imtihon sinovlarisiz qabul qilinadi.
Taʼlim muassasalarida tashkil etilgan
"Zakovat" intellektual klublarining koordinatori bo‘lgan professor-o‘qituvchilarga mehnatga haq to‘lash fondining 50 foizi miqdorida bir martalik ustama to‘lab beriladi.
2022/2023 o‘quv yilidan boshlab har yili aprel oyida „Intellektual haftalik“ tadbiri o‘tkazib boriladi. Yoshlarning intellektual salohiyatini oshirish, ularga motivatsiya berish maqsadida mashhur olimlar, jumladan, Nobel mukofoti sohiblari bilan uchrashuvlar tashkil etiladi.
„Zakovat“ va boshqa intellektual o‘yinlarining hududiy va respublika bosqichi g‘oliblarini o‘z mutaxassisligi bo‘yicha kadrlar zaxirasiga olish hamda rahbarlik lavozimlariga tayinlash amaliyoti yo‘lga qo‘yiladi.
Toshkent viloyati Bo‘stonliq tumanidagi
"Yoshlar oromgohi"da mavsumiy ishlaydigan
"Intellektual maktab" loyihasi yo‘lga qo‘yiladi .
Intellektual turnirlar tashkil qilish, bilimdon yoshlarni rag‘batlantirish, yosh avlodning intellektual salohiyatini oshirishga qaratilgan kompyuter va mobil o‘yinlarni yaratgan dasturchilarga grant va subsidiyalar ajratish maqsadida 2022 yilda 50 mlrd so‘m miqdorida, keyingi yillarda asoslangan hisob-kitoblarga muvofiq davlat budjetidan mablag‘ ajratiladi.
Maʼlumot uchun, O‘zbekiston prezidenti Shavkat Mirziyoyev 2021 yil 12 oktabr kuni „Zakovat“ intellektual o‘yini faol ishtirokchilaridan bir guruhini mukofotlash to‘g‘risidagi farmonni imzolagan edi. Hujjat Buxoro viloyatida cho‘ldagi sayyohlik klasterida final o‘tkazilgan joyning o‘zida imzolangandi.
Zakovat klubining 2023-yil Bahorgi mavsumdagi reytingi
Ushbu jamoalar Bahorgi mavsumda eng yuqori reyting kiritgan jamoaga aylanishdi va Iyul oyida boʻlib oʻtishi rejalashtirilgan „Chempionlar kubogi“ musobaqasiga yoʻllanma qoʻlga kiritishdi.
Manbalar
https://www.gazeta.uz/oz/2021/06/25/park/
https://www.gazeta.uz/oz/2022/04/01/abdurazakov/
https://lex.uz/uz/docs/-5834314
https://chgk.tvigra.ru/
Havolalar
Zakovat rasmiy sayti
Zakovat facebookdagi rasmiy sahifasi
Zakovat telegram sahifasi
Zakovat you tube kanali
uz.wikipedia.org