Zachary Yuen

Zachary Yuen (talaffuzi: Zachari Yuen) (1993-yil 3-martda tugʻilgan) (xitoycha: 袁俊杰) — kanadalik-xitoylik professional xokkey himoyachisi. Hozirda Zachary Yuen Kontinental xokkey ligasi (KHL) vakili „Kunlun Red Star“ xokkey jamoasida oʻynamoqda. Yuen NHLga kirish loyihasida xitoylik boʻlgan birinchi oʻyinchilardan biri edi.

Klublardagi oʻyin faoliyati

Zachary Yuen dastlab, Gʻarbiy xokkey ligasining (WHL) „Tri-City Americans“ xokkey klubi bilan faoliyatini boshlagan edi. Shundan soʻng, Zachary Yuen 2011-yilda „Winnipeg Jets“ xokkey klubi safiga NHL kirish loyihasida 119-oʻrindagi tanlov asosida qabul qilindi. Zachary Yuen NHL kirish loyihasida ishtirok etgan birinchi xitoylik xokkeychilardan biriga aylandi.

„Tri-City Americans“ xokkey klubi bilan yana ikki mavsum oʻynaganidan soʻng, Zachary Yuen 2013—2014-yilgi mavsumda Amerika xokkey ligasi (AHL) vakili „Toronto Marlies“ xokkey klubi bilan ilk professional oʻyini oʻtkazdi. Zachary Yuen ECHLga tayinlanishidan oldin „Toronto Marlies“ klubi bilan uchta oʻyin oʻtkazdi.

Zachary Yuen 2016-yilda Kontinental xokkey ligasi (KHL) vakili „Kunlun Red Star“ xokkey jamoasi bilan ikki yillik shartnoma imzoladi. Shundan soʻng, Zachary Yuen „Amur Khabarovsk“ xokkey klubiga qarshi uchrashuvda (1:0 hisobida gʻalaba) maydonga tushib, raqib darvozasiga gol urishga muvaffaq boʻldi. Zachary Yuen „Kunlun Red Star“ xokkey klubi uchun gol urgan birinchi xitoylik xokkeychiga aylandi.

Xalqaro oʻyinlardagi faoliyati

Zachary Yuen 2022-yil 28-yanvarda bo‘lib o‘tadigan 2022-yilgi Qishki Olimpiada o‘yinlarida Xitoy milliy xokkey terma jamoasi vakili sifatida terma jamoaga chaqirilgan.

Shaxsiy hayoti

Zachary Yuen Britaniya Kolumbiyasining Vancouver shahrida tugʻilgan. Uning otasi Hong Kongdan koʻchib kelgan. Zachary Yuenning onasi uning ota-bobosi Hong Kongdan koʻchib kelganidan keyin Vancouverda tugʻilgan.

Muntazam mavsum va pley-off oʻyinlari

Xalqaro

Manbalar

uz.wikipedia.org