Zachary Lagha
Zachary Lagha (Talaffuzi: Zakari Laga) — kanadalik figurali uchuvchi. Marjorie Lajoie bilan juftlikda konkida uchadi. Lajoi bilan birgalikda Zakari Kanada chempionatining kumush medali sovrindori (2020) boʻlgan.
Oʻsmirlar darajasida juftlik jahon chempioni (2019), Olimpiya bronza medali sovrindori (jamoaviy turnir, 2016) va uch karra Kanada chempioni (2017—2019) boʻlishgan.
Tarjimayi holi
Zachary Lagha 1999-yil 15-aprelda Kvebekdagi Greenfield Park shahrida tugʻilgan. Figurali uchishdan tashqari, u pianino chalishni yoqtiradi. Zachary romantizm davriring musiqasini sevib tingaydi.
Faoliyati
Zachary uch yoshida konkida uchishni boshlagan. 2011-yilda Lagha va Marjoriening yangi raqs juftligi tashkil qilindi. Ular murabbiylar Julien Lalonde, Mylène Jirard va Valeri Allard rahbarligida Longueuil shahrida mashgʻulotlar oʻtkazar edi. 2015-yilgi Kanada chempionatida juftlik yangi konkida uchuvchilar toifasida oltin medallarni qoʻlga kiritishdi.
Kanadalik chempionlari unvonini qoʻlga kiritgandan soʻng, juftlik kelishmovchilik tufayli sheriklikni tugatishini eʼlon qilishdi. Lagha murabbiy Marie-France Dubreuil qoʻl ostida figurali uchish bilan shugʻullana boshladi va uning maslahati bilan Zakari va Marjorie yana birga konkida uchishni boshladilar. Juftlikning xalqaro debyuti 2015-yil oktyabr oyida Ispaniyada oʻtkazilgan oʻsmirlar oʻrtasidagi Gran-pri bosqichida boʻlib oʻtdi va u yerda juftlik yettinchi oʻrinni egalladi.
2016-yil yanvar oyida Lajoie va Lagha juftligi Kanadada boʻlib oʻtgan oʻsmirlar chempionatining kumush medali sovrindorlari boʻlishdi. Keyingi oyda ular oʻsmirlar oʻrtasidagi Olimpiya oʻyinlarida toʻrtinchi oʻrinni egalladilar, shu bilan birga jamoabilan bronza medalini qoʻlga kiritdilar.
Juftlik 2016—2017-yilgi mavsumda Yaponiya va Germaniyada oʻtkazilgan oʻsmirlar oʻrtasidagi Gran-pri turmirining ikkala bosqichida toʻrtinchi oʻrinni egalladi. 2017-yilgi Skate Canada Challenge musobaqasida ular 2005-yilda Tessa Virtue va Skott Moir tomonidan oʻrnatilgan rekordni yangilab, Kanada oʻsmirlar rekordini oʻrnatdilar. Oʻsmirlar oʻrtasidagi Kanada chempionatida oltin medallar sohibiga aylangan juftlik oʻsmirlar oʻrtasidagi jahon chempionatiga yoʻllanmani qoʻlga kiritdi va u yerda oʻtgan yilgi natijasini yaxshilagan holda oltinchi oʻrindan joy olishdi.
2019—2020-yilgi mavsumda juftlik kattalar toifasida raqobatlasha boshladi. Ular ushbu darajadagi musobaqalarda Challenger Lombardia Trophy turnirida qatnashish orqali debyut qilishdi. Oʻn 4 juft raqobatchilardan kanadaliklar yettinchi oʻrinni egalladilar. Keyingi Finlandia Trophy musobaqasida qatnashgan juftlik Van Shiyue va Lyu Xinyu juftligidan keyin toʻrtinchi oʻrinni egalladi.
Natijalari
Manbalar
uz.wikipedia.org