Yuxim Konoplya
Yukhym Dmytrovych Konoplya (talaffuzi: Yuxim Konoplya; 1999-yil 26-avgustda tugʻilgan) — ukrainalik professional futbolchi. Ukraina Premyer-ligasi vakili Shakhtar Donetsk klubida himoyachisi sifatida oʻynaydi.
Klublardagi faoliyati
Shakhtar Donetsk
Donetskda tugʻilgan Konoplya Shakhtar akademiyasi tarbiyalanuvchisi boʻlgan. 2017—2018- va 2018—2019-yilgi mavsumlarda UEFA Yoshlar ligasida Donetskning „Shakhtar“ jamoasi bilan o‘ynagan.
Desna Chernihiv
2019-yilning yozida Desna Chernihiv klubiga ijaraga oʻtdi va 2019-yil 3-avgustda Poltavaning „Vorskla“siga qarshi oʻyinida ikkinchi boʻlimda zaxiradan maydonga tushib Ukraina Premyer-ligasida sifatida debyut qildi. Mavsum yakunida klub tarixda ilk bor UEFA Yevropa ligasiga yo‘llanma oldi. 2020-yilning yozida Desna Chernihiv bilan shartnomasini yana bir yilga uzaytirishga rozi boʻldi. 2020-yil 30-sentabr kuni Chernigov klubi bilan Ukraina kubogi doirasida Rux Lvovga qarshi o‘ynadi. Uchrashuv Desna foydasiga hal boʻldi va klub 1/8 final bosqichiga yo‘llanma oldi. 2021-yil 9-may kuni Ukraina Premyer-ligasida Mariupolga qarshi o‘yinda debyut golini urdi.
Donetsk
2021—2022-yilgi mavsum 2021-yilning yozida Shakhtar bilan shartnoma imzoladi. 21-avgust kuni „Chornomorets“ stadionida „Chornomorets Odesa“ga qarshi klub mavsumdagi debyutini oʻtkazdi. 22-sentyabr kuni 2021-yilgi Ukraina Superkubogi doirasida Kiyevdagi „Olimpiyskiy MSK“ stadionida Dinamo Kievga qarshi bahsda 88-daqiqada zaxiradan maydonga tushdi. Uchrashuv Shakhtar foydasiga hal boʻldi. 3-dekabr kuni Ukraina Premyer-ligasidagi ilk golini Lviv darvozasiga kiritdi.
Xalqaro faoliyati
Ukraina U20
20 yoshgacha boʻlgan Ukraina milliy terma jamoasi tarkibi bilan Konoplya 2019-yilgi FIFA U-20 Jahon chempionatida gʻolib chiqqan. Ukrainaning muvaffaqiyatida muhim rol oʻynadi, yettita uchrashuvning oltitasida maydonga tushdi va toʻrtta golli uzatmani amalga oshirdi.
Ukraina U21
Konoplya 21 yoshgacha boʻlgan Ukraina milliy terma jamoasiga kiritilgan, beshta oʻyinda ishtirok etgan. 2019-yilda Valeriy Lobanovskyi xotirasiga bagʻishlangan turnirda jamoasi bilan gʻalaba qozongan. 2020-yil 8-sentyabrda 2021-yilgi UEFA U-21 Yevropa chempionati saralashida Finlandiya darvozasiga gol urdi.
Ukraina
2020-yil oktabr oyida Fransiyaga qarshi o‘rtoqlik o‘yini hamda UEFA Millatlar ligasi doirasida Germaniya va Ispaniyaga qarshi o‘yinlar uchun Ukraina kattalar terma jamoasiga chaqirildi. 7-oktabr kuni Stad de Fransda Fransiyaga qarshi milliy terma jamoadagi debyutini oʻtkazdi. 14-noyabr kuni Leipzigdagi Red Bull Arenada Germaniyaga qarshi oʻyinda ishtirok etdi.
Shaxsiy hayoti
2022-yil 9-yanvarda Konoplya Anastasiya Hladun bilan turmush qurdi.
Faoliyat statistikasi
Klub
2-noyabr, 2022-yil holatiga koʻra[21][22]
Xalqaro
19-may, 2022-yil holatiga koʻra[21]
Faxrlar
Shakhtar Donetsk Shakhtar Donetsk U19 Ukraina U20 Ukraina U21 MaNBalar
uz.wikipedia.org