Yuan Xinyue

Yuan Xinyue (xitoycha: 袁心玥; oʻqilishi: Yuán Xīnyuè; 1996-yil 21-dekabrda tugʻilgan) — xitoylik ayol voleybolchi, oʻrta blocker sifatida oʻynaydi. U Xitoyning ayollar milliy voleybol jamoasi aʼzosi va 2014-yildan beri Bayi jamoasi safida oʻynaydi. 2,01 m lik boʻy bilan Yuan Xinyue Xitoy voleybol boʻyicha ayollar terma jamoasi tarixidagi eng baland boʻyli oʻyinchi hisoblanadi. Uning baland boʻyi unga voleybolda boshqalarga nisbatan yaxshiroq oʻynash imkonini beradi. U jamoadoshlari Chju Ting va Chjan Changning bilan birga jamoaning asosiy oʻyinchilaridan biri hisoblanadi.

Karyerasi

Yuan Xinyue professional voleybolchi sifatida milliy musobaqalarda Xalq Ozodlik Armiyasi vakili boʻlgan Bayi jamoasida faoliyatini boshlagan. Uning 2013-yilgi 18 yoshgacha boʻlgan oʻsmirlar oʻrtasidagi jahon chempionatidagi ajoyib oʻyini tufayli, eng qimmat oʻyinchi sifatida eʼtirof etilgani Xitoy voleybol boʻyicha ayollar terma jamoasi bosh murabbiyi Lang Pingning eʼtiborini tortdi. Oʻsha yili u kattalar jamoasining tarkibiga qoʻshilish uchun tanlangan va 2014-yilda rasman kattalar jamoasi safiiga kiritilgan.

Yuan 2014-yilda Italiyada boʻlib oʻtgan FIVB voleybol boʻyicha ayollar oʻrtasidagi jahon chempionatida Xitoy terma jamoasi tarkibida boʻlgan va u finalda Xitoy AQShga magʻlub boʻlganligi sababli, kumush medalni qoʻlga kiritgan. Jahon chempionatidagi ajoyib oʻyinini oʻtkazgan va shu oʻyini uchun Yuan Xinyue 2014-yilda CCTV Sports Personality Awards mukofotiga sazovor boʻldi. Keyingi yili u 2015-yilgi FIVB voleybol boʻyicha Jahon Gran-prisida hamda 2015-yilgi FIVB Jahon kubogida ishtirok etdi. Yuan Xinyue mazkur musobaqada oʻn yildan koʻproq vaqtdan soʻng jamoaga yirik jahon turnirida birinchi oltin medalini qoʻlga kiritishiga yordam berdi.

Yuan 2016-yilda Rio Olimpiadasida Xitoy sharafini himoya qilgan. Jamoa 1984 va 2004-yillardagi gʻalabalardan soʻng 3-oltin medalini qoʻlga kiritdi.

2017-yilda u FIVB voleybol boʻyicha Jahon Gran-prisida va FIVB Jahon Grand Chempionlar Kubogida Xitoy nufuzini himoya qildi va jamoaga ikkinchi musobaqada oltin medalni qoʻlga kiritishga yordam berdi. U Jahon Grand Chempionlar Kubogida eng yaxshi oʻrta bloker mukofotiga sazovor boʻldi.

2018-yilda Yuan ilk Voleybol Millatlar ligasida ishtirok etdi, unda jamoa bronza medalini qoʻlga kiritdi. Avgust oyida Yuan Indoneziyaning Jakarta shahrida boʻlib oʻtgan 2018-yilgi Osiyo oʻyinlarida qatnashdi. Jamoa 8 ta oʻyin oʻtkazib, 3:0 hisobida gʻalaba qozondi va musobaqada ustunlik qildi. Jamoa birorta ham set qoldirmay chempionlik unvonini qoʻlga kiritdi. Oktabr oyida Yuan Yaponiyada oʻtkazilgan FIVB voleybol boʻyicha ayollar oʻrtasidagi jahon chempionatida Xitoy nufuzini himoya qildi. Besh set davom etgan shiddatli oʻyin oʻtkazgan holda, yarim finalda Italiyaga magʻlub boʻldi va jamoa bronza medalini qoʻlga kiritdi.

2019-yilda Yuan 2-Voleybol Millatlar Ligasida ishtirok etdi. Gonkongda boʻlib oʻtgan guruh bosqichida Xitoy 2018-yilgi jahon chempionatida ularni magʻlub etgan Italiya terma jamoasi bilan toʻqnash keldi. 0:2 hisobida magʻlub boʻlgan Xitoy ketma-ket uchta setda gʻalaba qozondi va natijada Italiyaga qarshi 3:2 hisobida ajablantiradigan gʻalabani taʼminladi. Bu gʻalabada Yuan hal qiluvchi rol oʻynadi. Xususan, uchinchi setda uning blokirovkasi Xitoyga oʻyinda qolishga yordam berdi.

2019-yil sentabr oyida Yuan yana FIVB ayollar oʻrtasidagi jahon chempionatida Xitoy shaʼnini himoya qildi, unda Xitoy ketma-ket oʻn bitta gʻalabadan keyingi yana bir jahon chempionligini qoʻlga kiritdi. Turnir davomida Xitoy raqiblariga atigi uchta setda magʻlub boʻldi. Yuan ushbu yirik gʻalabada asosiy vazifani bajargan oʻyinchi boʻldi.

Yuan Xinyue

Karyerasi

Klublar

Mukofotlar

Milliy terma jamoa

Klublar

Jaxsiy gʻalabalar

Manbalar

Havolalar