YU — o’zbek kirill alifbosining o’ttizinchi harfi. O’zbek adabiy tilida til o’rta, sirg’aluvchi y undoshi bilan til orqa, lablashgan u unlisi birikmasini (yu) ifodalovchi grafema. So’z boshida (yulduz, yurak, yuqori), o’rtasida (buyuk, tuyuq, evolyutsiya) va oxirida (intervyu, menyu) kela oladi. Yuklama va bog’lovchi sifatida qo’llanishini hisobga olmaganda, so’z oxirida faqat Yevropa tillaridan o’zlashgan so’zlar tarkibida uchraydi. Turkiy xalqdar qo’llagan Avesto, urxun-yenisey, Sug’d, uyg’ur, Arab, lotin grafikalari asosidagi alifbolarda bunday grafema mavjud emas, u faqat kirill (rus) grafikasi asosidagi alifbodagina uchraydi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish