Yoz, alvido
„
Yoz, alvido! “ (shunchaki „
Yoz alvido “ oʻlaroq ham maʼlum) — „Bolalar“ oʻzbek pop-rok guruhi ijro etgan qoʻshiq. 2002-yil eʼlon qilingan. Qoʻshiqni guruh solisti Tohir Sodiqov bastalagan, soʻzini esa Sodiqov akasi Husan Sodiqov bilan hamkorlikda yozgan. „Yoz, alvido!“ guruh repertuaridagi eng taniqli taronalarning biridir.
2020-yil guruh aʼzosi Husan Sodiqov oʻzining rasmiy YouTube kanalida „Yoz, alvido!“ qoʻshigʻi remiksini guruhning 2002-yilga qadar eʼlon qilingan yetti qoʻshigʻidan iborat „11-albom“ nomli albomiga ilk trek oʻlaroq kiritgan, ammo bu taronalar 2014-yilda albom shaklida eʼlon qilinmagan, balki shunchaki singl oʻlaroq chiqarilgan.
Shuningdek, „Yoz, alvido!“ qoʻshigʻi „Bolalar“ guruhining 2007-yil „iTunes“da eʼlon qilingan „The Very Best of the Fontana Years“ (tarjimasi „Fontana yillarning eng sara [qoʻshiqlari]“) terma albomiga 18-trek oʻlaroq kiritilgan. Bu albom markaziy osiyolik xonanda yoki guruhning „iTunes“da eʼlon qilingan ilk albomidir. Ammo albom mualliflik huquqlari bilan bogʻliq kelishmovchiliklar tufayli 2012-yildan keyin platformadan olib tashlangan.
„Yoz, alvido!“ qoʻshigʻini bugunga qadar bir necha xonanda kaver qilgan. Jumladan, aktrisa va xonanda Asal Shodiyeva Yorqinxoʻja Umarov bilan hamkorlikda „Cover Version Battle“ teledasturida qoʻshiqni ijro etgan.
Manbalar
Havolalar
uz.wikipedia.org