Young Jun Hyung
Young Jun Hyung — janubiy koreyalik qoʻshiqchi, aktyor va qoʻshiq yozuvchi. U „Highlight“ K-pop guruhining asosiy reperi. Uning tugʻilgan paytidagi ismi Young Jaesun boʻlgan, oilaviy sabablarga koʻra 6-sinfda oʻqiyotganida ismini oʻzgartirgan. U musiqiy faoliyatini 2007-yilda „Xing Entertainment“ leybli ostidagi „Xing“ guruhida Poppinʼ Dragon laqabi bilan boshlagan. Lekin Hyung ushbu leybl shartnomasi qul shartnomasi ekanligini bilgach, debyut oldidan tarkibni tark etgan va natijada kompaniya uni sudga bergan. Jun hyung sudda gʻalaba qozongan va keyinchalik „Cube Entertainment“ shirkatiga qoʻshilgan. Oʻzining debyutidan oldin, yakkaxon ijrochi AJning „Wipe the Tears“ nomli ikkinchi singlini yozishda ishtirok etgan.
Uning ota-onasi uning musiqiy faoliyatiga qarshi boʻlishganiga qaramay, Jun hyung 2009-yilda „Beast“ guruhi aʼzosi sifatida debyut qilgan.
Yakkaxon faoliyati
Junhyun Hyunaning „Change“ yakkaxon debyut albomini yozishda hissa qoʻshgan. Shuningdek, u „4minute“ guruhining „Whoʻs Next?“ qoʻshigʻidagi rep qismlarini yozishda ishtirok etgan. Qoʻshiqchi G.NA ning „I’ll Back Off So You Can Live Better“ qoʻshigʻining rep qismini ijro etgan. 2010-yilda Young Jun hyung „4minute“ guruhidan Hyuna, Outsider, Verbal Jint, „Mighty Mouth“ guruhidan Ssangchu, Vasco va Zico bilan birgalikda „Faddy Robot Foundation“ nomli albomini chiqargan. Ular albom sotuvidan tushgan barcha pullarni xayriya ishlariga berishgan.Jun hyung Young Jee, Navi, Wheesung, Kim Wan Sun, ALi, Baek Jiyoung kabi sanʼatkorlarning qoʻshiqlari uchun rep qismlarini yozgan va ijro etgan. Shuningdek, u M&Dning „Close Your Mouth“ klipida „FT Islva“ guruhidan Hongki va Jonghun, „Supreme Team“ guruhidan Simon D va „Miss A“ guruhidan Jia bilan birga suratga tushgan. Klip 2011-yil 22-iyun kuni chiqarilgan. 2012-yil 3-fevralda Junhyun „Living Without You“ nomli yakkaxon qoʻshigʻini chiqargan. Qoʻshiq Kim Tae Ju bilan hamkorlikda ishlab chiqarilgan va bastalangan.
2014-yilning 26-martida Li Seung Hvanning "I Only Respond To You " qo‘shig‘iga ishlangan klipida Jun hyung va Li Se Young oshiqlar rolini ijro etishgan.2014-yilda u qoʻshiqchi Megan Lining „8dayz“ debyut trekini yozishda ishtirok etgan.Aktrisa Park Shin-hyening „My Dear“ treki 11-iyun kuni chiqarilgan. Qoʻshiqdagi rep qismini Jun hyung ijro etgan.
Diskografiyasi
Singl
Mini albomlar
Sheriklikdagi qoʻshiqlari
Shaxsiy hayoti
2011-yilning bahorida „Cube Entertainment“ kopmaniyasi Jun hyung va „KARA“ guruhining aʼzosi Goo Hara ishqiy munosabatda ekanligi haqida rasmiy eʼlon qilgan. 2013-yil mart oyida juftlik ajralishgan.
Manbalar
Havolalar
uz.wikipedia.org