YOSMIN
YOSMIN, Jasmin (Jasminum) — zaytundoshlarning bir turkumi. Tropik va subtropik o’lkalarda 200 ga yaqin turi bor. Shulardan 2 turi dorivor (J. Officinall — Gruziyada va J. fruticans — Kopetdog’da) yovvoyi holda o’sadi. Abxaziyada yirik gulli Yosmin (Jasminum grandiflorum L.) ekiladi, gulidan parfyumeriya sanoatida qimmatli efir moyi olinadi (yangi terilgan gulida 0,1% gacha efir moyi bor), choyga xushbo’y hid berish uchun ishlatiladi. O’zbekistonda Yosmin (J. fruticans) manzarali o’simlik sifatida (1,2×0,75 yoki 1×1 metr sxemada) ekiladi. Yosmin ekilgan maydonlardan 20-25 yil gul olish mumkin. Bo’yi 100 150 santimetr, barglari oddiy yoki 3 bo’lakli, ustki bargchalari kuraksimon. Kosachasi qo’ng’ir, bigizsimon, uzun bo’laklarga bo’lingan. Guli sariq. May oyida qiyg’os gullaydi.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz