YOQUT — mineral, tarkibida oz miqdorda (2% gacha) xrom ionlari (Sgz+) bo’lgan korund (A12O3) ning qizil rangli turi. Rangi och pushtidan to’q qizilgacha. Birinchi toifali qimmatbaho toshlar turkumiga mansub. Shimoliy Myanmaning Yoqut konlari qadimdan ma’lum bo’lib, O’rta Osiyo va Yevropaga ham shu yerdan keltirilgan. Badaxshondagi Yoqut koni juda mashhur bo’lgan. 18 asrda O’rta va Janub Uraldagi sochmalarda ham topilgan. Eng katta konlari Myanma, Tailand, Shri Lankada. Yoqutning yirik shaffof xillari sun’iy yo’l bilan olinadi. Sun’iy Yoqut soat mexanizmlari, kvant elektronikasi hamda zargarlikda ishlatiladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish