YOMON TOV
YOMON TOV — Markaziy Qizilqumdagi tog’. Qozoqtov tog’ining Janubida joylashgan. Eng baland joyi 340 metr. Shimoli g’arbdan janubi sharqqa yo’nalgan. Uzunligi 8— 10 kilometr. Janubiy g’arbiy yon bag’irlari qiyaroq, zinapoyasimon pasayib prolyuvial shleyfga tutashgan. Shim. g’arbiy yon bag’irlari tikroq va quruq soylar bilan o’yilgan. Yomon tov kristalli paleozoy, bo’r va paleogen davrlarining cho’kindi jinslaridan tashkil topgan. Shimoliy g’arbiy yon bag’irlari ayrim joylarda eol qumlari bilan band. Bo’zqo’ng’ir tuproqlarda biyurg’un, keyreuk, shuvoq boyalich o’sadi. Yaylov sifatida foydalaniladi.
Manba
O'zbekiston Milliy Ensiklopediyasi
Uzpedia.uz