YO’LDOSHEV FAYZULLA

YO’LDOSHEV FAYZULLA (1912.15.9, Turkiston shahri — 1991) — 2-jahon urushi qatnashchisi, leytenant. 1942 yildan frontda. 42-o’qchi polkida bo’linma komandiri bo’lib xizmat qilgan. Yo’ldoshev 1943 yil 27 sentabrda Dnepr bo’yidagi jangda jasorat ko’rsatgan. Razvedkada qatnashib, dushman haqida muhim ma’lumot to’plagan. Dneprning o’ng qirg’og’idagi janglardan birida og’ir yaralangan. Qahramon unvoniga sazovor bo’lgan (1943). Urushdan keyin Namangan viloyatining Irvadan qishlog’ida yashagan, o’rta maktabda direktor bo’lib ishlagan. Namangan tumanidagi 32-maktabga nomi berilgan.

Manba

O'zbekiston Milliy Ensiklopediyasi