Yolanda Saldívar
Yolanda Saldivar (1960-yil 19-sentabrda tugʻilgan) 1995-yilda Selenaning oʻldirilishida ayblangan amerikalik sobiq hamshira Saldivar Selenaning fan-klubining prezidenti va uning butiklari menejeri boʻlgan, biroq qotillik sodir boʻlishidan biroz oldin, qoʻshiqchining oilasi uning ikkala tashkilotdan pul oʻgʻirlaganini aniqlaganida, u ikkala lavozimidan ham mahrum boʻlgan.
Hayoti
Saldivar 1960-yil 19-sentyabrda San-Antonioda (Texas) tugʻilgan. U Frank va Juanita Saldivarning yetti farzandidan biri.
Selenaning oʻldirilishi
1995-yil boshida Selenaning oilasi Saldivarning fan-klub va butiklardan pul oʻmarganligini aniqladi va bu uning mart oyining birinchi haftasida ishdan boʻshatilishiga olib keldi. 31-mart kuni ertalab Selena Saldivar topshirishdan bosh tortgan moliyaviy yozuvlarni olish uchun Corpus Christi dagi Days Inn motelida Saldivar bilan uchrashishga kelishib oldi. Saldivar Meksikada zoʻrlanganini daʼvo qilib, topshirishni kechiktirdi. Selena Saldivarni mahalliy kasalxonaga olib bordi, u yerda ularga ginekologik tekshiruv boshqa joyda oʻtkazilishi kerakligi aytildi, chunki hujum boshqa mamlakatda sodir boʻlgan.
Ular Selena yana yozuvlarni talab qilgan motelga qaytishdi. Keyin Saldivar sumkasidan 38 Taurus Model 85 revolverini olib, qoʻshiqchiga qaratdi. Selena qochishga harakat qildi, biroq Saldivar uning orqa tomoniga bir marta otib, arteriyani kesib tashladi. Ogʻir yaralangan Selena Saldivardan yordam soʻrab lobbi tomon yugurdi.
Kotib 911ga qoʻngʻiroq qilganda Selena polga yiqilib tushdi. Selena 1:05 da qon yoʻqotishdan kasalxonada vafot etdi.
Manbalar
uz.wikipedia.org