Yoane Wissa
Yoane Wissa (1996-yil 3-sentyabrda tugʻilgan) — kongolik professional futbolchi, Premer liganing Brentford klubi va Kongo DR terma jamoasida hujumchi sifatida oʻynaydi .
Châteauroux akademiyasining bitiruvchisi boʻlgan Wissa oʻzining katta faoliyatini 2015-yilda boshlagan. 2018-yilda esa Lorient jamoasiga oʻtgan. U 2019-20-yilgi mavsumning 2-ligasi chempioni Lorient jamoasining asosiy tarkib oʻyinchilaridan biri boʻlgan va 2021-yilga kelib Brentford jamoasiga oʻtgan. Fransiyada tugʻilgan Wissa Kongo DR ning terma jamoasi safida xalqaro maydonlarda harakat qiladi.
Klublardagi faoliyati
Lorient
2018-yil yanvar oyida Wissa 2-liga Lorient jamoasiga oʻtadi. Wissa mavsum davomida 28 ta oʻyinda maydonga tushib 15 ta gol uradi va uning jamoasi mavsum oxirida 1-ligaga koʻtarilib oladi. U 2020-21-yilgi mavsumda esa 38 ta o‘yinda maydonga tushib, 10 ta gol urishga erishadi. Wissa 2021-yilning avgustida jamoa safida umumiy hisobda 3.5 yil faoliyati davomida 128 ta oʻyinda maydonga tushib, 37 ta gol urgan futbolchi sifatida klubni tark etadi.
Brentford
2021-yil 10-avgustda Wissa Angliyaga koʻchib oʻtadi va Premer-liganing „Brentford“ jamoasi bilan 8,5 million funt sterling evaziga toʻrt yillik shartnoma imzolaydi. Koʻzidan operatsiya qilingani sababli mavsum oldidan klub bilan bogʻlana olmaganiga qaramay, Wissa klubdagi dastlabki oltita oʻyinida beshta gol uradi. Uning 2021-yil 21-sentabrda „Oldham Athletic“ jamoasiga qarshi uchrashuvda kiritgan goli „bicycle kick“ nomi bilan ataladi. Wissaning gollar seriyasi 2021-yil oktabr oyi oʻrtalarida toʻpigʻidan olgan jarohati tufayli muddatidan oldin yakunlanadi. Ikki oydan soʻng u oʻyinga qaytadi. Bu qaytishidan soʻng mavsum oxirigacha ham zaxiradan ham asosiy tarkibda maydonga tushib faoliyatini davom ettiradi. Mavsum soʻnggi 9 oʻyinining oltitasida asosiy tarkibda maydonga tushadi. Wissa 2021-22-yilgi mavsumni 34 oʻyin va 10 gol bilan yakunlaydi.
Xalqaro faoliyati
Wissa 2020-yil oktabr oyida Kongo Demokratik Respublikasi terma jamoasining bir juft o‘rtoqlik o‘yinlari uchun birinchi chaqiruvini oladi. U oʻzining birinchi xalqaro golini Marokashga qarshi oʻrtoqlik uchrashuvida kiritadi.
Shaxsiy hayoti
Fransiyada tugʻilgan, asli Kongolik boʻlgan Wissa lingala tilida ham gaplasha oladi. U 15 yoshiga qadar sportning regbi turi bilan shugʻullangan va keyinchalik futboldagi faoliyatini boshlagan. U 2021-yil iyul oyida kislotali hujumga uchragan va shoshilinch koʻz operatsiyasidan soʻng, toʻliq tuzalib ketgan.
Faoliyatining statistikasi
Klub
Xalqaro
Yutuqlari
Lorient Manbalar
uz.wikipedia.org