Yevgeniy Berzin

Yevgeniy Valentinovich Berzin (tugʻ. 1970-yil 3-iyun, Viborg, SSSR ) — sovet va rossiyalik velosportchi, Yevropaning uchta eng nufuzli koʻp kunlik poygalaridan (Jiro d’Italiya) birida gʻolib chiqqan Rossiyaning birinchi vakili. SSSRda xizmat ko‘rsatgan sport ustasi (1990).

Biografiya

Yevgeniy Berzin 1970-yil 3-iyunda Viborg shahrida tugʻilgan. U 1977-yilda maktabning boshlangʻich sinflarida oʻqib, velosiped haydash bilan shugʻullana boshlagan. SSSRda xizmat koʻrsatgan murabbiy A. Gusyatnikov rahbarligida sport mashgʻulotlaridan oʻtgan. 1988-yilda oʻsmirlar oʻrtasida Rossiya va jahon chempionatlarida gʻolib chiqgan.

Sport martabasi

Yevgeniy oʻzining eng katta muvaffaqiyatiga 1994-yilda professional faoliyatini boshlaganidan soʻng erishdi, oʻshanda u kutilmaganda Rossiya va sobiq Sovet velosipedchilari orasida birinchi boʻlib Giro d’Italiya velopoygasi gʻolibiga aylandi. Oʻsha poygada u uch bosqichda gʻolib chiqdi, 19 kun davomida peshqadamlik qildi va natijada italiyalik Marko Pantani va ispaniyalik Migel Indurain kabi mashhur raqiblarini ortda qoldirdi.

Keyingi yili xuddi shu velopoygada Yevgeniy 2-boʻldi. 1996-yilda „Tur de Frans“ poygalarining birida gʻalaba qozonib, ikki kun davomida poyga peshqadami boʻldi. 1997-yil 19-oktyabrda Berzin Bordeauxda trekdagi soatlik poygada rekord oʻrnatishga harakat qildi, ammo urinish muvaffaqiyatsiz boʻldi. Sport martabasini tugatgandan soʻng, u Italiyada yashab, u yerda avtomobillar sotish bilan bogʻliq biznes bilan shugʻullangan. 2007-yilda u Oleg Tinkov jamoasida oʻynashni hohlab, sport martabasini davom ettirish niyatida edi, ammo jamoaga 37 yoshli Berzin kerak emas edi. Shu bilan sportchining velosportdagi faoliyati yakunlandi.

Asosiy yutuqlar

Manbalar

uz.wikipedia.org