YERTO’LA — 1) qadimgi yerni o’yib qurilgan turar joy; boshpana. To’rtburchak, dumaloq shaklda qurilgan, ba’zilari esa yerdan bir oz yuqori ko’tarilib, tomi yog’och bilan, uning ustiga shox-shabba va tuproq tashlab yopilgan; o’rtasida o’choq, devor yonlarida taxta yoki tuproqdan qilingan supachalar bo’lgan. Yuqori paleolit davridan boshlab boshpana sifatida keng foydalanilgan; hozir ham o’zlashtirilayotgan yerlarda, urush harakatlari ketayotgan joylarda uchrab turadi; 2) uylar tagiga yer sathidan 1,5 metr va undan ortiq chuqur qilib quriladigan xonalar. Yerto’ladan mahsulotlar saqlanadigan ombor sifatida va boshqa maqsadlarda foydalaniladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish