YERMOLOVA MARIYA NIKOLAYEVNA

YERMOLOVA MARIYA NIKOLAYEVNA (1853-1928) — rus aktrisasi. Rossiya xalq artisti (1920), mehnat qahramoni (1924). 1871 yildan kichik teatrda ishlagan. Fojiaviy rollar ustasi. Yermolova ijodining ahamiyati rus va jahon teatri san’ati tarixida nihoyatda buyukdir. U qatnashgan har bir spektakl ijtimoiy hodisaga aylangan. Asosiy rollari: Mariya Styuart (“Mariya Styuart”), Ioanna D’Ark (“Orlean qizi”), Kruchinina (“aybsiz aybdorlar”), Ofeliya, Ledi Makbet (“Hamlet”, “Makbet”) va boshqalar. O’z qahramonlari obrazini otashin ehtiros, chuqur psixologizm, haqqoniylik bilan ifodalagan.

Manba

O'zbekiston Milliy Ensiklopediyasi