YER TARKIBI

YER TARKIBI — davlat yer fondining xalq xo’jaligi tarmoqlari o’rtasidagi taqsimoti, yer turlarining nisbati, salmog’i va maydon ko’rsatkichlari bo’yicha ma’lumotlar yig’indisi. O’zbekiston Respublikasining yaxlit yer fondi qanday maqsadda foydalanishiga qarab quyidagilarga bo’linadi: qishloq xo’jalik yerlari; aholi punktlari yerlari (shaharlar, shaharchalar, qishloq aholi punktlari yerlari); sanoat, transport, aloqa va boshqalarning yerlari; tabiatni muhofaza qilish, sog’lomlashtirish, rekreatsion va tarixiy-madaniy maqsadlarga mo’ljallangan yerlar; o’rmon fondi yerlari, suv fondi yerlari, zaxira yerlar. Qishloq xo’jalik ehtiyojlari uchun berib qo’yilgan yoki ana shu maqsadlarga atab ajratilgan yerlar qishloq xo’jaligiga mo’ljallangan yerlar deb hisoblanadi.

Manba

O'zbekiston Milliy Ensiklopediyasi