YANGI CHINOZ
YANGI CHINOZ — Toshkent viloyatining Chinoz tumanidagi shaharcha (1992 yildan). Temir yo’l stantsiyasi (Chinoz). Viloyatning g’arbiy qismida, Toshkent — Nukus avtomagistralida, tuman markazi (Chinoz shahri) dan 7 kilometr narida. Sirdaryo va Chirchiq daryolari yonida. Aholisi 3,7 ming kishi (2005). Shaharchada 7 korxona, shuningdek, dehqon bozori, 20 dan ortiq savdo shoxobchasi, tijorat banki faoliyat ko’rsatadi. Sanoatining asosiy tarmog’i — un tegirmoni va qumshag’al karerlari. Umumiy ta’lim maktabi, kutubxona, ambulatoriya bor. Yangi Chinoz yonida Daryo bo’ylarida 30 dan ortiq dam olish maskani joylashgan.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz