YADROCHA
YADROCHA, nukleola — ko’pchilik EU – kariotlar hujayra yadrosi ichidagi tig’iz tanacha. Ribosomolar hosil qiluvchi ribonukleoproteidlar (RNK)dan iborat. Odatda, yadroda bitta, ba’zan bir necha Yadrocha (masalan, baliqlarning o’sayotgan tuxumhujayralari yadrolarida) bo’ladi. Yadrocha xromosomalarning ribosom r-nk kodlaydigan genlari joylashgan lokusida shakllanadi. Yadrocha yadrocha ichi xromatini, r-nk fibrillari va granulalar zonalaridan iborat. Granulalar zonasi ribosomalarning katta va kichik subbirliklarini hosil qiladigan rRNK molekulalariga ega. Preribosomal (ribosomalar hosil qiluvchi) fanulalar Yadrochadan ajralib, tsitoplazmaga chiqadi; tsitoplazmada ulardan ribosomalar shakllanadi. Yadrochaning fibrillalar zonasiga yorug’lik mikroskopda amorf qism, granulyar zonaga — nukleolonema (to’rsimon geterogen qism) sifatida qaraladi. mitozda ko’pincha Yadrocha yemirilib, mitoz tamom bo’lishi bilan yana shakllanadi.
Manba
O'zbekiston Milliy Ensiklopediyasi
Uzpedia.uz