Vittorio Parigini
Vittorio Parigini (talaffuzi: Vittoria Parajini) (1996-yil 25-martda tugʻilgan) — italiyalik professional futbolchi. Hozirgi kunda Vittorio Parigini B seriyaning „Como“ klubida „Genoa“ klubidan ijaraga olingan hujumchi sifatida oʻynaydi.
Yoshligi
Vittorio Parigini Italiyaning Piedmont shahrida tugʻilgan. Vittorio Pariginining onasi Avellino provinsiyasidagi Atripalda shahrida tugʻilgan.
Klublardagi oʻyin faoliyati
Dastlabki oʻyin faoliyati
Vittorio Parigini Turin shahri chetidagi havaskorlar klubi „Pancalieri“ klubida futbol oʻynay boshlagan. Vittorio Parigini 10 yoshida klub bilan uch kunlik sinovdan soʻng „Torino“ klubi yoshlar jamoasi tarkbiga qabul qilingan. Vittorio Parigini „Allievi Nazionali“ va „Primavera“ klublarida yoshlar murabbiyi boʻlgan Moreno Longo („Torino“ klubi yoshlar jamoasi murabbiyi) qoʻl ostida kuchli oʻyin koʻrsatdi.
2013-yilda, 17 yoshida, Vittorio Parigini professionallar safidagi ilk mavsumida B Seriyada " Juve Stabia " klubiga ijaraga berildi. Vittorio Parigini „Juve Stabia“ klubida 14 oʻyinda maydonga tushdi (shu jumladan, beshtasini boshlangʻich oʻyinda), lekin gol ura olmadi.
„Perugia“ klubiga ijara
Keyingi yili Vittorio Parigini B seriya vakili „Perugia“ klubiga ijara asosida qoʻshildi. Vittorio Parigini „Perugia“ klubi safida 2014-yilning 23-avgustida Italiya kubogining 2-bosqichida „Spezia“ klubiga qarshi oʻyinda (2:1) qoʻshimcha vaqtda gʻalaba golini urdi. Vittorio Parigini 30-avgust kuni „Bologna“ klubiga (2:1) qarshi oʻyinda klub safida debyut qildi. Bu oʻyinda Vittorio Parigini zaxiradan maydonga tushdi va Diego Falcinelli uchun gʻalaba goliga assistentlik qildi. 8-noyabr kuni Vittorio Parigini ligadagi ilk golini „Virtus Entella“ klubi darvozasiga kiritdi. Vittorio Parigini „Perugia“ klubi bilan oʻzining birinchi mavsumini 33 oʻyin va beshta gol bilan yakunladi.
2015-yilning yozida Vittorio Pariginining „Perugia“ klubi bilan ijara muddati uzaytirildi. „Perugia“ klubi bilan ikkinchi mavsum oʻyinlaridan birida Vittorio Pariginining mushaklari yorilib, toʻrt oyga safdan chiqdi va mavsumni 19 liga oʻyinida toʻrtta gol bilan yakunladi.
"Chievo" va „Bari“ klublariga ijara
2016-yilning yozida Vittorio Parigini A Seriyaning „Chievo“ klubiga ijara asosida qoʻshildi. Vittorio Parigini 2016-yilning 13-sentyabrida Italiya kubogining 3-raundida „Virtus Entella“ klubiga qarshi oʻyinda (3:0) zaxiradan maydonga tushdi. Vittorio Parigini klub bilan A Seriyadagi debyutini sakkiz kundan soʻng, 20 yoshida, „ Inter“ ga qarshi oʻz uyida (2:0) oʻtkazdi.
2017-yilning yanvarida Vittorio Parigini B Seriyaning „Bari“ klubiga ijaraga oʻtdi. Vittorio Parigini " Galetti "dagi birinchi golini 2017-yilning 27-fevralida „Brescia“ klubiga qarshi oʻyinda (2:0) kiritdi.
„Benevento“ klubiga ijara
2017-yilning 31-avgustida Vittorio Parigini 2018-yilning iyunigacha ijara asosida „Benevento“ klubi safiga qoʻshildi.
Torino 2018-yilning yozida Vittorio Parigini „Torino“ klubiga qaytdi va kattalar safiga qoʻshildi. 16-sentyabr kuni Vittorio Parigini „Torino“ safida ilk bor maydonga tushdi va „Udinese“ klubiga qarshi safarda 1:1 hisobida durang oʻynagan oʻyinda Alex Berenguerning oʻrniga maydonga tushdi.
Genoa
"Cremonese" klubiga ijara
2020-yil 31-yanvarda Vittorio Parigini „Genoa“ klubiga oʻtdi va darhol „Cremonese“ klubiga ijaraga berildi.
"Ascoli" klubiga ijara
2021-yilning 1-fevralida Vittorio Parigini mavsum oxirigacha ijara shartnomasi asosida B Seriyaning " Ascoli " jamoasiga qoʻshildi.
"Como" klubiga ijara
2021-yilning 31-iyulida Vittorio Parigini „Como“ klubiga mavsumiy ijara shartnomasi asosida qoʻshildi. 2022-yil 6-iyulda ijara shartnomasi muddati 2022—2023-yilgi mavsum uchun uzaytirildi.
Xalqaro oʻyinlardagi faoliyati
Vittorio Parigini 2013-yilda Slovakiyada boʻlib oʻtgan 17 yoshgacha boʻlgan futbolchilar oʻrtasidagi Yevropa chempionatida kumush medalni qoʻlga kiritgan Italiyaning 17 yoshgacha boʻlgan oʻsmirlar terma jamoasi aʼzosi edi. U, shuningdek, Meksikada boʻlib oʻtgan 2013-yilgi FIFA U-17 Jahon chempionatida 1/8 final bosqichidan chiqib ketgan Italiyaning 17 yoshgacha boʻlgan oʻsmirlar jamoasining doimiy oʻyinchisi edi. 2014-yilning 12-mayida Vittorio Parigini Alessandro Pane tomonidan 19 yoshgacha boʻlgan oʻsmirlar oʻrtasidagi UEFA chempionati munosabati bilan Italiyaning 19 yoshgacha boʻlgan oʻsmirlar terma jamoasiga chaqirildi. 5-sentyabr kuni Vittorio Parigini Slovakiyaning 19 yoshgacha boʻlgan oʻsmirlar terma jamoasiga qarshi oʻrtoqlik oʻyinida Italiyaning 19 yoshgacha boʻlgan oʻsmirlar terma jamoasi safida ilk dublini kiritdi.
Oʻyin uslubi
Vittorio Parigini kuchli hujum qobiliyatiga ega, shuningdek, jismoniy kuch, texnika, tezlik olish qobiliyatiga ega futbolchi futbolchi hisoblanadi. Torinoning „Giovanissimi Nazionali“ jamoasidagi murabbiyi Roberto Fogli uni qanot hujumchisiga aylantirishga qaror qilguniga qadar Vittorio Parigini hujumchi edi. Vittorio Parigini asosan, oʻng qanotda oʻynaydi. Lekin Vittorio Parigini oʻzining koʻp qirraliligi tufayli chap qanotda ham xuddi shunday effekt bilan oʻynay oladi. Vittorio Parigini hujumkor yarim himoyachi yoki hujumchi sifatida ham yaxshi saviyada oʻynay oladi. Faoliyatining boshida uni maydondagi harakati, ayniqsa tezligi va raqibidan oʻtib keta olishi uchun Alessio Cerciga oʻxshatishardi.
Faoliyat statistikasi
Manbalar
uz.wikipedia.org