Virginiya orollari

Virginiya orollari - Vest-Indiyadagi (100 ga yaqin) mayda orollar. Buyuk Britaniya (maydoni 153,4 km2, aholisi 48 ming kishi, 2023; maʼmuriy markazi — Rod-Taun shahri) va AQSH (maydoni 355 km2, aholisi 204 ming kishi, 2023; maʼmuriy markazi — Sharlotta-Amaliya shahri) mulki. Aholisi negr va mulatlar. Virginiya orollari neogen davri ohaktoshlaridan tuzilgan, relefi tekislik. Virginiya orollarida tog‘ hosil bo‘lish jarayoni davom etmoqda. Eng baland joyi 543 m. Iqlimi issiq va nam tropik iqlim. Yillik yog‘in 1200 mm. Tez-tez bo‘ron bo‘lib turadi. Doim yashil o‘rmonlar bor. Aholi shakarqamish o‘stirish, sabzavotchilik, chorvachilik bilan shug‘ullanadi. Neftni qayta ishlovchi, alyuminiy, soat, rom, shakarqand ishlab chiqarish korxonalari bor. Chetga shakarqand, rom, sitrus mevalari va chorva mollari chikariladi. Turizm rivojlangan. Virginiya orollarini 1493-yilda X. Kolumb kashf etgan.

Adabiyotlar

uz.wikipedia.org