Violet Evergarden
Violet Evergarden (yaponcha: ヴァイオレット・エヴァーガーデン Vaioretto Evāgāden?) — Yapon animatsion filmi, Kana Akatsuki tomonidan yozilgan va Akiko Takasake tomonidan illustratsiyalashtirilgan. Film mavsumlari Kyoto Animation kompaniyasi tomonidan 2015-yil dekabrdan 2020-yil mart oyigacha chiqarilgan. Hikoya pochta xizmatida ishlaydigan sobiq askar Violet Evergarden haqida.
Kyoto Animation tomonidan tayyorlangan 13 qismli anime teleseriali 2018-yilning yanvar-aprel oylari orasida efirga uzatildi. Anime filmi boʻlgan „Violet Evergarden: The Movie“ premyerasi 2020-yil sentyabrida boʻlib oʻtdi.
2014-yilda „Violet Evergarden“ beshinchi „Kyoto Animation Award’s“ taqdimotida roman kategoriyasida bosh mukofotni qoʻlga kiritdi.
Mazmuni
Yozuv mashinkasini oʻrnini bosish uchun ixtiro qilingan „Avto-xotira qoʻgʻirchoqlari“ deb nomlangan uskuna dastlab matbuot xodimi va mexanik qoʻgʻirchoqlar tadqiqotchisi professor Orlando tomonidan yaratiladi. Uning rafiqasi Molly yozuvchi boʻlib, keyinchalik koʻr boʻlib qoladi va boshqa yoza olmaydi. Doktor Orlando u uchun „Avto-Xotiralar qoʻgʻirchogʻi“ni yaratadi. Ushbu uskuna inson ovozi bilan aytilgan barcha soʻzni yozib olish uchun moʻljallangan mashinadir.
Film Violet Evergarden ismli sobiq askar qiz va uning urush tugagandan soʻng jamiyatga qayta moslashuvi hamda uning ustozi va posbon askar Mayor Gilbertning vafotidan oldingi unga „Men seni sevaman“ deb aytgan soʻnggi soʻzlarini anglashi va hayot mazmunini qidirishi haqida hikoya qiladi.
Serialning „Violet Evergarden: Automemories“ nomli saundtreki Evan Call tomonidan yaratilgan va Bandai Namco Arts studiyasi tomonidan Lantis leybli ostida 2018-yil 28-martda tarqatilgan. Unda Aira Yuuki, Minori Chihara va True ijrosidagi 47 ta trek va 6 ta vokal musiqa mavjud.
Musiqalar roʻyxati
Barcha musiqa/matn/treklar Evan Call tomonidan yozilgan va ijro etilgan.
Mukofotlari
„Violet Evergarden“ 2014-yilda beshinchi „Kyoto Animation Awards“ mukofotining roman kategoriyasida bosh mukofotni qoʻlga kiritdi, bu uch nominatsiya (roman, ssenariy va manga) boʻyicha bosh mukofotni qoʻlga kiritgan birinchi asardir.
Manbalar
Havolalar
uz.wikipedia.org