Vim Yansen

Wilhelmus Marinus Antonius Jansen (talaffuzi: Vim Yansen; 1946-yil 28-oktyabr — 2022-yil 25-yanvar) — sobiq gollandiyalik professional futbolchi va murabbiy.

Yarim himoyachi yoki himoyachi sifatida faoliyatining asosiy qismini Feyenoordda oʻtkazdi va 1970-yilda klub bilan Yevropa kubogini qoʻlga kiritdi. Gollandiya terma jamoasi safida 65 ta o‘yin o‘tkazgan va 1974- va 1978-yillarda FIFA Jahon chempionati finaliga chiqqan

Klublardagi faoliyati

1965—1980-yillar oraligʻida „Feyenoord“da Jansen toʻrtta Liga chempionligi, bir marta Gollandiya kubogi, 1974-yilda bir marta UEFA kubogi va 1970-yilda Yevropa kubogini qoʻlga kiritdi.

Washington Diplomats bilan Shimoliy Amerika futbol ligasida qisqa vaqt oʻtkazgandan soʻng, „Feyenoord“ning ligadoshi „Ajax“ga oʻtdi va shu klubda 1981—1982-yillarda liga chempionligini qoʻlga kiritdi. „Ajax“dagi debyuti 1980-yil dekabrida De Kuip jamoasiga qarshi bo‘lgan.

Xalqaro faoliyati

Jansen Gollandiya termasi safida 65 oʻyin oʻtkazgan. Debyut oʻyini 1967-yil 4-oktyabrda UEFA Yevro-1968 saralashida Daniyaga qarshi oʻyinda boʻlgan. Oʻshanda klub 2:1 hisobida yutqazib qoʻygan. Oʻzining yagona terma jamoadagi golini 1968-yil 4-sentyabrda sakkizinchi oʻyinida, 1970-yilgi FIFA Jahon chempionati saralashida Lyuksemburgga qarshi oʻyinda (2:0) kiritgan.

Gollandiya 1974-yilgi FIFA Jahon chempionatida Jansen barcha yettita oʻyinda maydonga tushgan. Yugoslaviyada boʻlib oʻtgan UEFA Yevro-1976 musobaqasida ikkala oʻyinda qatnashgan va jamoa bilan bronza medalini qoʻlga kiritgan.

Shaxsiy hayoti

Jansen va oilasi dindor emas edi. Yakshanba kunlari barcha qoʻshnilari cherkovda boʻlganida toʻp tepishni mashq qilardi. Bolaligida Feyenoorddagi jamoadoshi Coen Moulijn bilan bir koʻchada (Bloklandstraat) yashagan.

Jansen 1970-yillardan boshlab Hendrik-Ido-Ambachtda yashagan. 2021-yil oxirida Yoeri van den Busken bilan birga yozilgan Meesterbrein („Mastermind“) tarjimai holini chiqardi.

Jansen 2022-yil 25-yanvarda 75 yoshida vafot etdi.

Vim Yansen

Klublardagi faoliyati

Xalqaro faoliyati

Shaxsiy hayoti

Faoliyat statistikasi

Xalqaro

Xalqaro

Yutuqlari

Oʻyinchi

Manbalar