Villyan Bijev

Villyan Bijev (talaffuzi: Vilyan Bijev, 1993-yil 3-yanvarda tugʻilgan) — professional futbolchi, hozirda USL 1-ligasi vakili Central Valley Fuego FC jamoasida yarim himoyachi sifatida oʻynaydi.

Yoshligi

Bijev Bolgariyaning Sofiya shahrida tugʻilgan va 1998-yilda besh yoshida oilasi bilan AQShga koʻchib oʻtgan. Kaliforniyaning Fresno shahrida oʻsgan va ilk faoliyatini Bullard Flyers U12 mahalliy maktab jamoasida boshlagan. 2008-yilda, 15 yoshida, Bijev Klovisda joylashgan Kaliforniya Odisseyiga qoʻshildi. Shuningdek, Fresnodagi Edison oʻrta maktabi jamoasida oʻynagan va 2011-yilda bitirgan.

Faoliyati

Liverpool

2011-yil iyul oyida Liverpool Bijevni 18 yoshgacha boʻlgan jamoasi uchun sinovga taklif qildi. Jamoada ajoyib taassurot qoldirdi va mavsumoldi ikkita oʻrtoqlik oʻyinida beshta gol urdi. Qoʻshimcha ikki yillik variant bilan uch yillik shartnoma asosida mersisaydliklar safiga oʻtdi. Liverpool 2011-yil 31-avgustda AQShning California Odyssey jamoasi bilan shartnoma imzolaganini rasman eʼlon qildi.

2013—2014-yilgi mavsum oxirida klub erkin agentga aylantirdi.

Ijara
„Liverpool“ bilan shartnoma imzolagan kuniyoq Bijev Germaniyaning „Fortuna Dyusseldorf“ jamoasiga 2011—2012-yilgi mavsum uchun ijaraga berilgani eʼlon qilindi. Bijev asosan Fortuna B jamoasida oʻynagan va klubda 16 oʻyinda 4 ta gol urgan. Asosiy jamoada bir marta maydonga tushdi: 2012-yilning 5-aprelida „FC Hansa Rostock“ga qarshi safarda (2:1) Adam Matuszczyk oʻrnida maydonga tushib, oʻyinning soʻnggi 8 daqiqasida oʻynadi.

2012-yilning 27-avgustida Bijev Norvegiyaning birinchi divizioni IK Start jamoasiga bir yillik ijara asosida qoʻshildi. Bijev klubdagi debyutini „IL Hødd“ qarshi oʻyinda (2:1) oʻtkazdi.

Slavia Sofia

2014-yilda Bijev Bolgariyaning „Slavia Sofia“ futbol jamoasiga qoʻshildi. 2014-yil 19-iyul kuni Marek Dupnitsaga qarshi oʻyinda (4:1) klubdagi debyutini oʻtkazdi. 2014-yilning dekabrida „Slavia“ bilan shartnomasi oʻzaro kelishuvga koʻra bekor qilingan.

Cherno More

2015-yilning 12-yanvarida Bijev Cherno More Varna bilan bir yarim yillik shartnoma imzoladi. 27-fevral kuni „Slavia Sofia“ga qarshi oʻyinda (2:0) debyut qildi. Bijev 5-mart kuni „Cherno More“dagi birinchi rasmiy golini kiritdi va klub „Lokomotiv Gorna Oryahovitsa“ ustidan 5:0 hisobida muvaffaqiyat qozondi.

AQSh

Bijev 2016-yilda AQShga qaytib, USL chempionatining „Portlend Timbers 2“ va „Sacramento Republic FC“ klublarida oʻynadi. 2021-yil mart oyida Bijev Oklahoma City Energy FC ga qoʻshildi. 2022-yil Bijev oʻzining tugʻilgan shahri Fresnoga qaytib, Central Valley Fuego FC bilan shartnoma tuzdi.

Xalqaro faoliyati

Bolgariyada tugʻilgan, ammo Qoʻshma Shtatlarda oʻsgan va Amerika fuqaroligiga ega Bijev ikkala davlatda ham oʻynash huquqiga ega. U18 va U20 darajasida Qoʻshma Shtatlar va U21 darajasida Bolgariyani himoya qilgan.

Faoliyat statistikasi

31-dekabr, 2018-yilgi holat boʻyicha

Yutuqlari

Cherno More

Manbalar

uz.wikipedia.org