Viktor Sivets

Viktor Nikolaevich Sivets (1919-1984) — Sovet sanoat arbobi, V.P.Chkalov nomidagi Toshkent aviatsiya zavodi direktori, Sotsialistik Mehnat Qahramoni (1971).

Tarjimai holi

1919-yil 4-mayda Prjevalsk shahrida (hozirgi Qirgʻizistonning Issiqkoʻl viloyati) tugʻilgan. 1943-yilda Qozon aviatsiya institutini tamomlagan. Mehnat faoliyatini O‘zbekiston SSRdagi Toshkent aviatsiya zavodida 1943-yilda usta, 1944-yildan yig‘ish sexida katta usta sifatida boshlagan. 1945-yil boshida Viktor Nikolayevich ,,Zavodning eng yaxshi ustasi" deb tan olingan.

1947-1963-yillarda sex boshlig‘i, ishlab chiqarish bo‘limi boshlig‘i, bosh muhandis o‘rinbosari, 1963-1969-yillarda 84-sonli zavod bosh muhandisi, 1969-1973-yillarda SSSR Aviatsiya sanoati vazirligi tasarrufidagi V.P.Chkalov nomidagi Toshkent aviatsiya zavodi direktori lavozimlarida faoliyat yuritgan. 1969-yilda Viktor Nikolayevich Sivets rahbarligi ostida zavodda An-22 ,,Antey" og‘ir harbiy transport samolyotlarini seriyali ishlab chiqarish boshlagan.

1971-yil 26-aprelda Sivets Viktor Nikolayevich SSSR Oliy Soveti Prezidiumining Farmoni bilan ,,Sotsialistik Mehnat Qahramoni" unvoni, ,,Lenin" ordeni va ,,O‘roq va Bolg‘a" oltin medali bilan taqdirlangan.

1973-yildan SSSR Aviatsiya sanoati vazirligi tasarrufidagi V. P. Chkalov nomidagi Toshkent aviatsiya birlashmasi bosh direktori.

1973-yildan boshlab uyushma IL-76 o‘rta harbiy transport samolyotlarini va uning modifikatsiyalarini ishlab chiqara boshlagan.

Sivets Viktor Nikolayevich 1984-yil 9-dekabrda vafot etgan. Toshkentdagi Chig‘atoy memorial qabristoniga dafn etilgan.

Mukofotlari va unvonlari

Xotira

Toshkent koʻchalaridan biri va TAPOiCH Madaniyat va texnika saroyiga V.N.Sivets nomi berilgan.

Havolalar

uz.wikipedia.org