Viktor Raskov
Viktor Viktorovich Raskov (ukraincha: Віктор Вікторович Расков; 1984-yil 8-may, Odessa, Ukraina) — ukrainalik futbolchi va funksioner, oʻyindagi vazifasi — hujumchi.
Biografiyasi
Viktor Raskov Odessaning „Chernomorets“ va Donetskning „Shaxtyor“ klublari oʻyinchisi sifatida yoshlar chempionati jamoasi safini himoya qilgan.
Raskov futboldagi karyerasini 2001-yilning yozida „Mashinostroitel“ (Drujkivka) jamoasi safida ikkinchi liga oʻyinlarida boshlagan. Keyinchalik futbolchi Odessaning ikkinchi „Chernomorets“ jamoasida, havaskor hamoa „Signal“ klubi safida (Odessa), shuningdek, ikkinchi liga oʻyinlarini Ovidiopolning „Dnestr“ va Xarkovning „Arsenal“ jamoalarida oʻynaydi. 2006-yilning yozida Raskov Dneprodzerjinskning „Stal“ klubiga koʻchib oʻtadi.
2006—2007-yilgi mavsumning qishki transfer oynasida futbolchi bitta oʻyin oʻtkazganidan soʻng, xorijga joʻnab ketadi va u yerda Litvaning „Shyaulyay“ klubi bilan shartnoma imzolaydi.
2009-yil boshida esa Raskov „Shyaulyay“ klubini „Kruoja“ga oʻzgartiradi va oʻsha yilning yozida yana klubni Polshaning „Pogon“ (Siedlse) jamoasiga almashtiradi.
Olti oydan soʻng Raskov yana „Shyaulyay“ klubiga qaytadi va klub safida raqib darvozasiga umumiy hisobda sakkizta gol urgan holda jamoaning eng yaxshi toʻpurariga aylanadi.
2010—2011-yilgi Yevropa ligasida Raskov Krakovning „Visla“ klubiga qarshi oʻyin oʻtkazadi. 2011-yilning yozida esa Ukrainaga qaytib keladi va Xarkovning „Gelios“ klubi bilan shartnoma imzolaydi.
2013-yilda futbolchi Kramatorskning „Avangard“ jamoasiga koʻchib oʻtadi.
2014-yilda esa „Andijon“ jamoasi tarkibida O‘zbekiston Oliy ligasi oʻyinlarida ishtirok etadi, biroq tez orada yana Ukrainaga qaytib, mavsumning qolgan qismini Odessaning „Real Farm“ jamoasida o‘tkazadi.
Raskov 2016-yil iyul oyidan 2017-yil martiga qadar „Jemchujina“ klubida adminstrator boʻlib faoliyat olib boradi.
2017-yilning bahorida mavsum davomida Kanada futbol ligasi doirasidagi oʻyinlarda „Vorkuta“ (Toronto) jamoasi tarkibidan ishtirok etadi.
Manbalar
Havolalar
uz.wikipedia.org