Vikipediyani tahrir qilgani uchun qamoqqa olinganlar roʻyxati
Bir nechta Vikipediya tahrirchilari ensiklopediyaga hissa qoʻshganliklari uchun hukumat tomonidan qamoqqa olingan.
Belorussiya
Mark Bernshteyn (ruscha: Марк Израйлевич Бернштейн) — millati belarus boʻlgan ruscha Vikipediya foydalanuvchisi, 2022-yil 11-martda 2022-yilgi Rossiyaning Ukrainaga bosqini haqidagi Vikipediya maqolalarini tahrirlash orqali „Rossiyaning 2022-yilgi urush senzurasi haqidagi qonunlari“ni buzgani uchun hibsga olindi va avval 15 kun soʻngra uch yilga ozodlikni cheklashga hukm qilindi.
Pavel Pernikov (belaruscha: Павел Аляксандравіч Пернікаў) — belaruscha Vikipediya foydalanuvchisi. 2022-yil 7-aprelda „Belarus Respublikasini obroʻsizlantiradigan“ onlayn xabarlar, jumladan, Belarusdagi siyosiy repressiyalar haqida Vikipediyaga kiritilgan ikkita tahriri uchun ikki yilga ozodlikdan mahrum qilingan.
Saudiya Arabistoni
Osama Xolid (arabcha: أسامة خالد), arabcha Vikipediyaning arabistonlik sobiq adminstratori. 2020-yil sentyabrida siyosiy taʼqiblar haqida tanqidiy tahrirlar kiritib, „jamoatchilik fikrini chalgʻitish“ va „jamoat axloqini buzganligi“ uchun besh yillik qamoq jazosiga hukm qilingan. Arab dunyosi uchun demokratiya hozir(ingl.)oʻzb. va SMEX nodavlat tashkiloti maʼlumotiga koʻra, 2022-yil sentyabrida siyosiy mahbuslarning qamoq muddatini uzaytirish kampaniyasi doirasida Xolidning jazo muddati 32 yilga oshirilgan.
Ziyad al-Sofiani (arabcha: زياد السفياني), yana bir Arabcha Vikipediyaning sobiq adminstratori, „davlatdagi siyosiy faollarning taʻqib qilinishini tanqid qiluvchi“ tahrirlar kiritish orqali „jamoat fikrini chalgʻitish“ va „jamoat axloqini buzish“da ayblangan. U 2020-yil sentyabrida sakkiz yillik qamoq jazosiga hukm qilingan.
Suriya
Bassel Xartabil bir qator ochiq manbali loyihalarga, jumladan, Vikipediyaga hissa qoʻshgan; uning 2012-yilda hibsga olinishi uning onlayn faoliyati bilan bogʻliq boʻlishi mumkin degan shubhalar bor. U 2015-yilda Damashq yaqinidagi Adra qamoqxonasida qatl etilgan. Bir qancha tashkilotlar, jumladan, Vikimedia fondi 2017-yilda uning sharafiga Bassel Xartabil erkin madaniyat stipendiyasini uch yillik muddatga moʻljallab tashkil qilib bergan.
Manbalar
uz.wikipedia.org