Viki Yerni sevadi
Viki Yerni sevadi (ingliz tilida asl nusxasi Wiki Loves Earth yoki qisqacha WLE) — har yili may-iyun oylarida oʻtkaziladigan xalqaro fotografiya tanlovi boʻlib, butun dunyo boʻylab Vikipediya hamjamiyati aʼzolari tomonidan Wikimedia Foundation mahalliy filiallari koʻmagida tashkil etiladi. Ishtirokchilar oʻz mamlakatlaridagi mahalliy tabiiy meros va manzarali landshaftlarni suratga oladi va ularni Wikimedia Commonsga yuklaydi.
„Wiki Loves Earth“ xalqaro fototanlovining mazmuni va maqsadi muhofaza etiladigan tabiiy hududlarni (qoʻriqxonalar, milliy bogʻlar va boshqalar) suratga olishdan iborat. Vazifani yengillashtirish uchun har bir mamlakat ishtirokchilariga bunday hududlarning maxsus yaratilgan roʻyxati taklif etiladi. Bu musobaqa shunchaki musobaqa emas, u katta maʼrifiy, madaniy va axborot ahamiyatiga ega. Ushbu tanlov tufayli butun dunyo boʻylab millionlab odamlar sayyoramizning oʻsimlik va hayvonot dunyosi, tabiiy landshaftlarning goʻzalligi va xilma-xilligi, tabiatni muhofaza qilish sohasidagi muammolar va yutuqlar haqida yangi bilimlarga ega boʻlmoqdalar.
Tarixi
Wiki Loves Earth — sentabr oyida boʻlib oʻtadigan va tarixiy obidalar va diqqatga sazovor joylarga qaratilgan yillik Wiki Loves Monuments foto tanlovining analogidir.
Birinchi marta „Wiki Loves the Earth“ tanlovi 2013-yilda Ukrainada boʻlib oʻtgan. Tanlov tashkiliy qoʻmitasiga etnograf Yevgeniy Buket rahbarlik qildi. Keyingi yillarda musobaqa xalqaro tus oldi va boshqa mamlakatlarda ham tarqaldi..
2014-yilda xalqaro fototanlovda 15 davlat ishtirok etdi. 2015-yilda Wiki Loves the Earth jurnali 26 mamlakatdan 8500 ishtirokchining 100 000 dan ortiq fotosuratlarini koʻrib chiqdi. Fotokonkurs keyinchalik 50 dan ortiq mamlakatlarni qamrab oldi va 40 000 dan ortiq ishtirokchilardan 420 000 dan ortiq fotosuratlarni toʻpladi. U dunyodagi eng yirik fototanlov sifatida Ginnesning rekordlar kitobiga kiritilgan.
2023-yilda Viki Yerni sevadi tanlovi Oʻzbekistonda ilk bor o‘tkaziladi.
Xalqaro tanlov gʻoliblari
2022
2021
2020
2019
2018
2017
2016
2015
2014
2013
Manbalar
Havolalar
uz.wikipedia.org