Victor Mete
Victor Joseph Mete (talaffuzi: Viktor Jozef Mete) (1998-yil 7-iyunda tugʻilgan) — kanadalik professional xokkey himoyachisi. Victor Mete hozirda Milliy xokkey ligasi (NHL) vakili „Toronto Maple Leafs“ xokkey jamoasida oʻynamoqda.
Oʻyin faoliyati
Dastlab, Victor Mete 2014-yilgi OHL loyihasida „Owen Sound Attack“ xokkey klubi safiga qabul qilindi. Ammo Victor Mete, keyinchalik, faoliyatini „London Knights“ xokkey klubi safida davom ettirdi. Victor Mete „London Knights“ xokkey klubi safida uch mavsum oʻynadi va jamoaga 2016-yilgi Memorial kubogini yutib olishga yordam berdi. Shundan soʻng, Victor Mete „Montreal Canadiens“ xokkey klubi safiga 2016-yilgi NHL kirish loyihasida 100-oʻrindagi tanlov asosida qabul qilindi.
2017-yilning 27-martida Mete „Montreal Canadiens“ xokkey klubi bilan uch yillik boshlangʻich darajadagi shartnoma imzoladi. Koʻp oʻtmay, 2017—2018-yilgi mavsum oldidan Victor Mete klubning oʻquv-mashgʻulot yigʻinida katta taassurot qoldirdi va klubning asosiy jamoasi safiga qoʻshildi. 2018-yilning 2-martida Victor Mete jarohati tufayli „New York Islanders“ xokkey klubiga qarshi o‘yinni oʻtkazib yubordi.
2020-yil 9-oktyabrda Victor Mete „Montreal Canadiens“ xokkey klubi bilan yangi bir yillik shartnoma imzoladi. 2020—2021-yilgi pandemiya tufayli kechiktirilgan mavsumda Victor Mete klub safida atigi 14 ta oʻyinda maydonga tushib, 3 ta golli uzatmani amalga oshirdi.
2021-yil 12-aprelda Victor Mete „Ottawa Senators“ xokkey klubi bilan bir yillik 1,2 million dollarlik shartnomaga imzo chekdi.
Keyingi mavsum oxirida Metega klub oʻzining eksklyuziv muzokaralar oʻtkazish huquqini saqlab qolish va shu tariqa uni cheklanmagan erkin agentga aylantirish boʻyicha yangi saralash taklifini taqdim etmadi. Shuning uchun 14-iyul kuni Victor Mete „Toronto Maple Leafs“ xokkey klubi bilan bir yillik 750 000 dollarlik shartnoma imzoladi.
Xalqaro oʻyinlardagi faoliyati
2017-yilning 16-dekabrida Victor Mete IIHF U-20 Jahon chempionati uchun tashkil qilingan Kanada milliy xokkey terma jamoasi roʻyxatiga kiritildi. 2017-yil 23-dekabrda Victor Mete terma jamoaning muqobil sardori etib tayinlandi. Kanada milliy xokkey terma jamoasi ushbu turnirda oltin medalni qoʻlga kiritdi.
Faoliyat statistikasi
Muntazam mavsum va pley-off oʻyinlari
Xalqaro
Manbalar
uz.wikipedia.org