Vasily Podkolzin
Vasily Alexandrovich Podkolzin (talaffuzi: Vasiliy Aleksandrovich Podkolzin) (ruscha: Василий Александрович Подколзин) (2001-yil 24-iyunda tugʻilgan) — rossiyalik professional xokkeychi. Vasily Podkolzin hozirda Amerika xokkey ligasida (AHL) „Abbotsford Canucks“ xokkey jamoasida oʻynaydi. Vasily Podkolzin 2019-yilgi NHLga kirish loyihasida „Vancouver Canucks“ xokkey klubi safiga oʻninchi oʻrindagi tanlov asosida qabul qilindi.
Oʻyin faoliyati
Vasily Podkolzin 12 yoshigacha qadar „Belye Medvedi“ xokkey klubida oʻynagan. Shundan soʻng, Vasily Podkolzin 2018-yilda „SKA Saint Petersburg“ xokkey klubi safiga oʻtishga qaror qildi.
2018-yil 12-noyabr kuni Vasily Podkolzin „SKA Saint Petersburg“ xokkey klubi tarkibida Kontinental xokkey ligasida (KHL) ilk oʻyinini oʻtkazdi.
NHL Markaziy skautlar byurosi tomonidan ikkinchi eng yaxshi xalqaro (Shimoliy Amerikadan tashqarida oʻynaydigan) xokkeychi sifatida baholangan Vasily Podkolzin 2019-yilgi NHL kirish loyihasida „Vancouver Canucks“ xokkey klubi safiga oʻninchi oʻrindagi tanlov asosida qabul qilindi. „SKA Saint Petersburgh“ xokkey klubi bilan yana ikki mavsum uchun shartnomasi borligi sababli, Vasily Podkolzin NHLga oʻtishdan oldin Rossiyada qoldi.
2021-yil 30-mayda Vasily Podkolzin „Vancouver Canucks“ xokkey klubi bilan uch yillik boshlang‘ich darajadagi shartnoma imzoladi. Vasily Podkolzin NHLdagi birinchi golini 15-oktyabr kuni „Philadelphia Flyers“ xokkey klubiga qarshi oʻyinda kiritishga muvaffaq boʻldi.
Xalqaro oʻyinlardagi faoliyati
2018-yilda Vasily Podkolzin Rossiya milliy xokkey terma jamoasi safida Hlinka Gretzky kubogi doirasidagi oʻyinlarda maydonga tushdi. Yakunda terma jamoa bronza medalini qoʻlga kiritdi. Qoʻshma Shtatlarga qarshi bronza medali uchun oʻyinda Rossiya terma jamoasi 5:4 hisobida gʻalaba qozondi. Ushbu uchrashuvda Vasily Podkolzin xet-trik qayd etdi.
Faoliyat statistikasi
Muntazam mavsum va pley-off oʻyinlari
Xalqaro
Manbalar
uz.wikipedia.org