Vanessa Feliciano

Vanessa Felciano Ebert (1990-yil 1-iyun, Braziliyaning Santa Catarina shtatidagi Rio de Sul shaharchasida tugʻilgan) — braziliyalik ayol shaxmatchi. U FIDE Xalqaro Ayol ustasi (WIM) unvoniga ega.

Shaxmatdagi faoliyati

Vanessa Felciano Ebert 1998-yilda sakkiz yoshida rasmiy shaxmat turnirlarida debyut qildi. U 10 yoshgacha boʻlgan ayollar oʻrtasidagi Catarinense chempionatida gʻoliblikka erishdi va bir necha kundan keyin u xuddi shu yosh guruhida Braziliya vitse-chempioni unvonini qoʻlga kiritdi. Shuningdek, Vanessa Feliciano har xil tayanch toifalarda 12 ta davlat unvonlari va 5 ta milliy unvonlarni ham qoʻlga kiritib, gʻalaba qozonishda davom etdi. Eng ahamiyatli muvaffaqiyatlari, xuddi usha yilining oʻzida uning Santa Catarina shtatida shaxmatchi yoshlar chempionatidagi, Blumenau, (2006-yil) va Taubaté shahrida boʻlib oʻtgan Braziliya yoshlar chempionatidagi qozonilgan gʻalabalaridir. Santa-Catarina shaxmatining asosiy toifasida u atigi 11 yoshda boʻlgan 2001-yilgi davlat chempioni unvonini olganligi bilan ajralib turadi.

Vanessa Feliciano Braziliya nufuzini bir necha Janubiy Amerika, Panamerika va Jahon chempionatlarida himoya qilgan, shuningdek, 2008-yilda Drezdenda boʻlib oʻtgan Shaxmat Olimpiadasida va 2012-yilda Istanbulda boʻlgan 40-shaxmat Olimpiadasida birinchi taxtada dona surgan.

Vanessa 9 ta ayollar shaxmat boʻyicha oʻtkazilgan Braziliya chempionatida qatnashib, ketma-ket ikki marta gʻalaba qozongan (2009—2010-yillar).

Vanessa Feliciano 2013-yilda FIDE Xalqaro Ayol ustasi (WIM) unvoniga sazovor boʻldi.

Yana qarang

Manbalar

uz.wikipedia.org