Van den Berg, Deyv
Dave van den Bergh (talaffuzi: Deyv van den Berg; 1976-yil 7-mayda Amsterdamda tugʻilgan) — gollandiyalik futbolchi.
Klublardagi faoliyati
Dave van den Bergh Amsterdamning „Ajax“ futbol maktabi bitiruvchisi boʻlib, u yerda 1986-yildan 1995-yilgacha toʻqqiz yil tahsil olgan. Dave Berghning „Ajax“ futbol klubining asosiy jamoasidagi debyuti 1996-yil 25-fevralda „Heerenveen“ futbol klubiga qarshi oʻyinda boʻlib etgan va u „Ajax“ futbol klubining 6:2 hisobidagi gʻalabasi bilan yakunlangan. Ikki yil ichida Dave Bergh 12 oʻyin oʻtkazib, bitta gol urgan, shu bilan birga 1995—1996-yilgi mavsumda Gollandiya chempioni boʻlgan. 1997-yilda Dave Bergh Ispaniyaning „Rayo Vallecano“ futbol klubiga oʻtgan va u yerda uch yil davomida 47 ta oʻyin oʻtkazib, 5 ta gol urgan.
2000-yilda Dave Bergh Niderlandiyaga qaytib, „Utrecht“ futbol klubi futbolchisiga aylangan. „Utrecht“ futbol klubi tarkibida Dave Bergh ikki marta Gollandiya kubogini qoʻlga kiritgan, 2003-yilda „Feyenoord“ futbol klubini 4:1 hisobida magʻlub etgan va 2004-yilda final oʻyinida „Twente“ futbol klubini 1:0 hisobida magʻlub etgan. 2004-yilda Dave van den Bergh „Ajax“ futbol klubini 4:2 hisobida magʻlub etib, Gollandiya Superkubogini qoʻlga kiritgan. Jami Dave Bergh „Utrecht“ futbol klubi safida 184 ta o‘yin o‘tkazib, 29 ta gol urgan.
2006-yil 2-iyunda Dave Bergh MLSning „Kansas City Wizards“ futbol klubi bilan shartnoma imzolagan. U klub safida 13 ta o‘yin o‘tkazib, 3 ta gol urgan.
2009-yil 12-yanvarda Dave Bergh „Dallas“ futbol klubiga Dominik Oduro oʻrniga almashtirilgan. Bir mavsumni shu klubda oʻtkazgach, futbolchilik faoliyatini yakunlagan.
Xalqaro faoliyati
Dave Bergh Gollandiya terma jamoasi uchun 28 yoshida debyutini 2004-yil 18-avgustda Shvetsiyaga qarshi oʻyinda 2:2 hisobida yakunlagan edi. Dave Bergh ikkinchi va oxirgi oʻyinini 2004-yil 3-sentyabrda Liechtenstein terma jamoasiga qarshi oʻtkazgan. Ushbu oʻyin Gollandiyaning 3:0 hisobidagi gʻalabasi bilan yakunlangan. Dave Bergh maydonda 46 daqiqa oʻtkazganidan soʻng almashtirilgan.
Murabbiylik faoliyati
Dave Bergh ikki marta AQShning 20 yoshgacha boʻlgan yoshlar terma jamoasida yordamchi murabbiy boʻlib ishlagan. AQShning 15 va 17 yoshgacha boʻlgan oʻsmirlar terma jamoalariga murabbiylik qilgan.
2019-yilning 1-iyulida Dave Bergh „New England Revolution“ futbol klubi murabbiylar shtabiga Bryus Arenaning yordamchisi sifatida qo‘shilgan.
Statistikasi
Manbalar
uz.wikipedia.org