Valeriy Muxin



Valeriy Vasilyevich Muxin (1938-yil 25-iyul — 2002- yil 27-avgust, Toshkent) — sovet futbolchisi, himoyachi va yarim himoyachi, murabbiy. SSSR sport ustasi.

Valeriy Muxin futbolchilik faoliyatini Ashxobodda boshlagan. U yerda uch mavsum davomida (1958-1960) mahalliy “Kolxozchi” (keyinchalik Kopetdag) jamoasida oʻynagan. 1961-yili Toshkentning “Paxtakor” klubiga qabul qilinib, ushbu jamoa bilan SSSR Oliy ligasida debyut qilgan. Valeriy Muxin “Paxtakor” safida olti mavsum oʻynagan. Milliy chempionatlarda 157 ta oʻyin oʻtkazib, 5 ta gol urgan. Shulardan 120 tasini oliy ligada oʻtkazgan va 4 ta gol urgan.

1968-1977-yillarda Xorazmning “Narimanovets” klubiga ustozlik qilgan. Keyinchalik esa ma’muriy lavozimlarda ishlagan.

Valeriy Muxin nomi Oʻzbekiston futboli shon-sharaf zaliga kiritilgan.

2002-yil 27-avgustda vafot etgan. Toshkentdagi Botkin qabristoniga dafn etilgan.

Havolalar



uz.wikipedia.org


Uzpedia.uz