Valeriy Kapashin

Valeriy Kapashin Petrovich (1950-yil 26-sentyabrda tugʻilgan, Ukraina SSR, SSSR, Poltava viloyati, Runovshchina qishlogʻi) – Rossiya harbiy rahbari va davlat arbobi, general-polkovnik (22.02.2009).

Biografiyasi

Bolaligi

1967-yilda oʻrta maktabni tamomlagan. Keyinchalik u A. M. Gorkiy nomidagi Xarkov davlat universitetiga oʻqishga kirgan.

Harbiy xizmat

1967-yildan Sovet armiyasida xizmat qilib, 1971-yilda Saratov oliy harbiy muhandislik kimyoviy mudofaa maktabini imtiyozli diplom bilan tugatgan. Radiatsiya, kimyoviy va biologik mudofaa qoʻshinlarida vzvod komandiri boʻlgan. Shuningdek u alohida kimyoviy mudofaa bataloni komandiri lavozimlarida ham xizmat qilgan. U „katta leytenant“ va „kapitan“ harbiy unvonlarini muddatidan oldin olgan.

1982-yilda Sovet Ittifoqi marshali S. K. Timoshenko nomidagi Kimyoviy mudofaa harbiy akademiyasini tamomlagan. 1982-yildan – Ural harbiy okrugining (Zlatoust) 28-alohida kimyoviy mudofaa polkining shtab boshligʻi, 1983 yildan – ushbu polkning komandiri boʻlgan. Ushbu polkdagi faoliyatining boshida u Chernobil AESdagi avariya oqibatlarini bartaraf etishda ishtirok etgan va 6 oy davomida ofat zonasida jangovar topshiriqlarni bajargan. U Qizil Yulduz ordeni bilan taqdirlangan.

1986-yildan – Ural harbiy okrugi kimyoviy qoʻshinlari boshligʻining oʻrinbosari, Janubiy kuchlar guruhi (Vengriya) kimyoviy qoʻshinlari shtab boshligʻi, Gʻarbiy strategik yoʻnalishning kimyoviy qoʻshinlari boshligʻi boʻlgan.

1991-yildan Turkiston harbiy okrugida Qoraqalpogʻiston Respublikasi hududidagi Nukus shahrida joylashgan Davlat kimyo ilmiy-tadqiqot instituti-sinov poligoni boshligʻi lavozimida ishlagan. 1993-yil iyun oyidan – Uzoq Sharq harbiy okrugining radiatsiya, kimyoviy va biologik himoya kuchlari boshligʻi boʻlgan. U Ukraina Mudofaa vazirligining kimyoviy mudofaa qoʻshinlari boshligʻi boʻlish taklifini rad etgan. Shuningdek, u 1995-yildagi Neftegorsk zilzilasining oqibatlarini bartaraf etishda qatnashgan.

Manbalar

Havolalar

uz.wikipedia.org