Valentina Marchei
Valentina Marchei (talaffuzi: Valentina Markey; 1986-yil 23-mayda tugʻilgan) — Italiya vakili sifatida yakka holda va juftlikda konkida uchish musobaqalarida qatnashgan sobiq figurali uchuvchi. Yakka holda konkida uchuvchi sifatida besh karra Italiya milliy chempioni (2004, 2008, 2010, 2012, 2014) boʻlgan. 2013-yilgi Yevropa chempionatida 4-oʻrin va 2012-yilgi Jahon chempionatida 8-oʻrinni egallagan. Valentina 2014-yilgi qishki Olimpiya oʻyinlarida Italiyani himoya qilgan va 11-oʻrinni egallagan. Shuningdek, Marchei Italiya vakili Ondřej Hotárek bilan juftlikda konkida uchish musobaqalarida ishtirok etgan. Bu juftlik 2018-yilgi Qishki Olimpiya oʻyinlarida 6-oʻrindan joy olgan.
Shaxsiy hayoti
Valentina Marchei 1986-yil 23-mayda Italiyaning Milan shahrida tugʻilgan. U 1980 va 1984-yilgi Olimpiadalarda qatnashgan Marko Marcheyning qizi.
Yakka holdagi faoliyati
Marchei 1993-yilda konkida uchishni boshlagan va unga Christina Mauri murabbiylik qilgan.
Marchei 2008-yil sentyabr oyida murabbiy Nikolay Morozov qoʻl ostida New Jersey shtatining Hackensack shahrida mashgʻulotlar oʻtay boshlagan. U 2008 — 2009-yilgi mavsumning ko‘p qismini 2008 Skate America turnirida ishtirok etigan holda oʻtkazgan. Marchei 2009 — 2010-yillarda Gran-pri musobaqasida qatnashish uchun yoʻllanma olmagan. Marchei 2010-yilgi Yevropa chempionatida ishtirok etib, 8-oʻrinni egallagan. 2010 — 2011-yillarda Marchei 2010 Skate Canada International va 2010-yilgi Rossiya kubogi musobaqalarida qatnashgan. U 2011-yilgi Yevropa chempionatida ham ishtirok etgan holda, 10-oʻrinni egallagan.
Juftlikdagi faoliyati
Marchei 26-iyulida Ondřej Hotárek bilan juftlik hosil qilgan. Juftlikka Monrealda Markotte va Milanda Franka Byankoni murabbiylik qilgan.
Marchei / Hotárek juftligi 2014-yil dekabr oyida Italiya milliy chempionatida ishtirok etib oltin medalni qoʻlga kiritgan. Juftlik 2015-yil yanvar oyida Shvetsiyaning Stokgolm shahrida boʻlib oʻtgan Yevropa chempionatida toʻrtinchi va mart oyida boʻlib oʻtgan Jahon chempionatida oʻn birinchi oʻrindan joy olgan.
2018-yil 16-sentabrda Marchei oʻzining Instagram hisobi orqali Hotárek bilan juftlik hamkorligini tugatganini eʼlon qilgan.
Dasturlari
Hotárek bilan
Natijalari
GP: Gran-pri ; CS: Challenger seriyasi ; JGP: oʻsmirlar oʻrtasidagi Gran-pri
Hotárek bilan
Manbalar
uz.wikipedia.org