Valentina Bergamaschi
Valentina Bergamaschi (talaffuzi: Valentina Bergamaski; 1997-yil 22-yanvarda tugʻilgan) — italiyalik futbolchi, A Seriyaning „Milan“ klubi yarim himoyachisi. Ssosan oʻng qanot yarim himoyasida oʻynaydi, lekin himoyada ham oʻynay oladi.
Oʻz faoliyatini Shveytsariyada boshlagan, Rapid Lugano, FF Lugano 1976 va FC Neunkirch klublarida oʻynagan, keyin Italiyaga qaytib, ACF Brescia Femminile bilan oʻynagan. Noynkirx bilan u 2016-2017-yilgi mavsumda milliy liga chempionligi va Shveytsariya ayollar kubogida gʻolib chiqdi.
2016-yildan beri Italiyaning katta yoshli ayollar futbol terma jamoasi aʼzosi boʻlgan Bergamaschi 2014-yilgi UEFA U-17 chempionati va 2014-yilgi FIFA U-17 ayollar oʻrtasidagi jahon chempionatida uchinchi oʻrin medalini qoʻlga kiritdi.
Klublardagi faoliyati
Varese shahrida tugʻilgan, lekin ota-onasi bilan Cittigliolikda ulgʻaygan. Bergamaschi Italiyaning Caravate shaharchasidagi FC Caravate klubiga qoʻshilib, toʻqqiz yoshidan boshlab oʻgʻil bolalar bilan oʻynay boshlagan.
2011-yil may oyida Bergamaschi 2011-yil 26-iyundan 3-iyulgacha Chianciano Terme shahrida boʻlib oʻtgan Torneo delle Regioni (Hududlar turniri)da ishtirok etish uchun Lombardiyaning 15 yoshgacha boʻlgan terma jamoasiga chaqirildi. Lombardiya vakili finalda Veneto ustidan gʻalaba qozongan turnir davomida Bergamaschi bitta gol urdi va turnir yakunidan keyin Italiyaning 17 yoshgacha boʻlgan ayollar terma jamoasi seleksionerlari unga qiziqish bildirdi.
Lombardiyalik istiqbolli yosh futbolchi Bergamaschi yuqori diviziondagi bir qator futbol klublari bilan bogʻlanishdi, ammo 2011-2012-yillardagi Italiya ayollar futbolining past beshinchi darajasi — Italiya D seriyasi mintaqaviy chempionatida ishtirok etmoqchi boʻlgan Alto Verbano klubi bilan shartnoma imzolashga qaror qildi. Bergamaschi mavsumning birinchi oʻyinidayoq oʻz mahoratlarini koʻrsatdi. Alto Verbano chempionat jadvalida birinchi oʻrinni egalladi va chempionat oxirigacha oʻz oʻrnini saqlab qoldi va 2012-2013-yillarda C Seriyaga koʻtarildi.
2014-yil yozgi transfer bozorida u Shveytsariya milliy ligasining B vakili Rapid Luganoga qoʻshildi. Bergamaschi klubga 2014-2015-yilgi mavsum oxirida Milliy liga A ga koʻtarilishiga yordam berdi. 2015-2016-yillar boshlanishidan oldin Lugano 1976 ga oʻtdi. Bergamaschi keyingi mavsumda yangi mustaqil klubda qolishga qaror qildi. 2016-17 yilgi mavsum oldidan u FC Neunkirchga oʻtdi.
Valentina 2016-2017-yilgi mavsumda FC Neunkirch bilan liga va Shveysariya ayollar kubogini yutgan, shuningdek, 24 ta gol bilan liganing eng yaxshi toʻpurari boʻlgan. Ammo 2017-yil iyun oyida Neunkirx Shveytsariya chempionatini tark etib, erkin agentga aylandi. Iyul oyi boshida Valentina Italiyaga qaytib, Breshiyaga qoʻshildi va A Seriyada oʻynash uchun birinchi imkoniyatni qoʻlga kiritdi.
2018-yil iyul oyida u Breshiyaning A Seriya oʻyin litsenziyasini qoʻlga kiritgan yangi tashkil etilgan AC Milan Women bilan shartnoma imzoladi.
Terma jamoalardagi faoliyati
Valentina 2016-yilda Manaus shahrida boʻlib oʻtadigan ayollar futboli xalqaro turnirida kattalar terma jamoasiga chaqirilgan.
Yutuqlari
Noynkirx FK
Brescia Calcio Femminile
Statistikasi
Valentina Bergamaschi oʻynagan jamoalar va mavsumlar roʻyxati. U oʻyinlarning umumiy soni (oʻyinlar), almashtirish tafsilotlari, gollar, sariq va qizil kartochkalarni oʻz ichiga oladi.
Manbalar
uz.wikipedia.org