Vakkanai (Xokkaydo)
Wakkanai (yaponcha: 稚内市 Wakkanai-shi?, Yam-wakka-nay
– aynu tilida; soʻzma-soʻz maʼnosi „sovuq daryo vodiysi“) —Yaponiyadagi Xokkaydo orolining Soya subprefekturasida joylashgan shahar. Soya subprefekturasining maʼmuriy markazi. Yaponiyaning eng sharqiy nuqtasi – Soya burnini oʻz ichiga oladi. Ochiq kunlarda Soya burnidan Rossiyaning Saxalin orollarini koʻrish mumkin.
1975-yil 1-iyun holatiga koʻra shaharda 55465 kishi istiqomat qilgan. Ammo, butun Yaponiyada aholi oʻsish surati pasayishi natijasida, shahar aholisi xozirda 33,869 (2019-yil 1-iyun) kishiga tushib ketdi.
Vakkanai markaziy temir yoʻl stansiya ichida qariyalar uyi qurgan Yaponiyadagi birinchi shahar boʻldi, Yaponiyaning oʻsib borayotgan keksa aholisiga gʻamxoʻrlik qilishning ushbu yangicha yondashuvi shundan beri bir qancha boshqa shaharlarda ham takrorlandi.
Tarixi
Vakkanai joylashgan hududda dastlab Xokkaydoning tub axolisi boʻlgan Aynu xalqi qabilalari yashagan. Birinchi yapon manzilgohi 1685-yilda tashqil qilindi.
Ikkinchi Jahon Urushi davomida Yaponiya Imperiyasi Xarbiy Floti shahar portidan suv osti kemalari uchun qarorgoh sifatida foydalandi. Vakkanai AQSh bombardimonchi samolyotlari uchish masofasidan yetarlicha uzoqlikdagi, havo xujumidan xavfsiz shahar edi. 1960-yillarning oʻrtalarigacha portning shimoliy qismi beton toʻsiqlar bilan boʻlingandi. Portda xozirgacha saqlanib qolgan toʻlqin qaytargich aslida suv osti kemalarini taʼmirlash inshooti vazifasini bajargan. Shaharning tepaliklarida bir nechta temir-beton bunker tipidagi suníy gʻorlar qurilgan boʻlib, ular ular oʻq-dorilar va qurollarni saqlash yoki tinch aholi uchun havo hujumidan boshpana sifatida ishlatilgan. 1960-1970-yillarda qayta qurish va taʼmirlash jarayonida port beton inshootlardan tozalandi va va toʻlqin qaytargichning mexanizmlari olib tashlandi.
Geografiyasi
Yaponiyaning eng shimoliy nuqtasi hisoblanadigan Soya burni Vakkanai shahrida joylashgan. Soya burni 43 kilometr uzoqlikdagi Rossiyaning Saxalin orollari tomon choʻzilgan kichik yarimoroldir. Ochiq kunda Rossiya qirgʻoqlarini osongina koʻrish mumkin. Soya burnining shimoli-gʻarbiy qismida Benten-jima deb nomlangan orol ham joylashgan.
Transporti
Havo
Shaharda Vakkanai Aeroporti mavjud. Har kuni Sapporo yaqinidagi Yangi Chitose Aeroporti hamda Tokyo Haneda Aeroportiga parvozlar amalga oshiriladi.
Temir yoʻl
JR Xokkaydo Vakkanaidan Nayoro, Asahikava va Sapporogacha boʻlgan Soya magistral liniyasida dizel poezdlari qatnovini yoʻlga qoʻygan. Soya cheklangan ekspress poyezdi kuniga bir marta Sapporoga, Sarobetsu poyezdi esa kuniga ikki marta Asahikavaga qatnaydi.
Dengiz
Heartland Ferry kompaniasi Rebun va Rishiri orollariga mavsumiy parom xizmatini qatnovini oshiradi. Saxalin orolidagi Korsakov shahriga parom qatnovi 2015-yil 18-sentabrda toʻxtatildi. Vakkanai hokimi Kudo Xiroshi Saxalinga parom qatnovini tiklashga vaʼda bergach, 2016-yildan boshlab yoʻnalish har yili iyun-sentyabr oylari oraligʻida qatnovlarni amalga oshira boshladi.
Taʼlim
Universtitetlar
Yuqori maktablar
Manbalar
uz.wikipedia.org