Uzuklar hukmdori: Ikki qal’a
Uzuklar hukmdori: Ikki qal’a (inglizcha:
The Lord of the Rings: The Two Towers ) 2002-yilda katta ekranlarga chiqqan hamda Peter Jackson tomonidan suratga olingan epik, fentezi va sarguzasht janrlaridagi AQSh filmidir. Film gʻoyasi J. R. R. Tolkien qalamiga mansub Ikki qal’a nomli kitobga asoslangan hamda Uzuklar hukmdori trilogiyasining ikkinchi filmidir. Film produserlari Barrie M. Osborne, Fran Walsh va Jackson, ssenariyni esa Walsh, Philippa Boyens, Stephen Sinclair va Jackson yozishgan. Kartina prikveli Uzuklar ittifoqi (2001), sikveli esa Uzuklar ittifoqi (2001) filmlaridir. Filmda bosh qahramonlarni jonlantirgan aktyorlar sirasiga Elijah Wood, Ian McKellen, Liv Tyler, Viggo Mortensen, Sean Astin, Cate Blanchett, John Rhys-Davies, Bernard Hill, Christopher Lee, Billy Boyd, Dominic Monaghan, Orlando Bloom, Hugo Weaving, Miranda Otto, David Wenham, Brad Dourif, Karl Urban va Andy Serkis kirishadi.
Uzuklar hukmdori: Ikki qal’a filmi premyerasi New York shahridagi Ziegfeld kinoteatrida 5-dekabr 2002-yilda boʻlib oʻtdi, AQShda 18-dekabr 2002-yildan, Yangi Zelandiyada esa 19-dekabr 2002-yildan boshlab kinoteatrlarda namoyish qilindi. Film budjeti $94 millionni tashkil etib, kartina umumjahon boʻylab $947 milliondan oshiq daromad koʻrishga muvaffaq boʻldi va bu koʻrsatkich bilan 2002-yilning eng kassabop filmi, dunyo miqyosida esa oʻttizinchi eng kassabop film boʻldi.
Rotten Tomatoes kinotanqid saytida Uzuklar hukmdori: Ikki qal’a haqida 255 maqola yigʻilib, ulardan 95 foizi filmni ijobiy baholaydi. Sayt konsensusi shunday: „Ikki qalʼa filmi taʼsirchan harakatni emotsional hikoyalar bilan muvozanatlashtiradi, bu esa tomoshabinlarni toʻliq qoniqishiga va film oxiri qanday yakunlanishini sabrsizlik bilan kutishiga olib keladi“.
Mazmuni
Gandalfning Moriyada Balrog bilan kurashayotgani haqida dahshatli tush koʻrayotgan Frodo Baggins va Samwise Gamgee Mordor yaqinida joylashgan Emyn Muilda uygʻonishadi va bu yerda adashib qolishganligini anglashadi. Keyinchalik, ular “Bir uzuk”ning sobiq egasi boʻlmish Gollum tomonidan kuzatilib borishayotganligini payqashadi. Ular Gollumni qoʻlga olishadi. Frodo unga shafqat qiladi hamda unga ularga yoʻl koʻrsatishiga izn beradi, Samwisega esa Mordorga kirib borish uchun Gollumning yordami kerakligini taʼkidlaydi.
Rollarda
Musiqasi
Treklar roʻyxati
Roʻyxatda keltirilgan treklarning barchasining musiqasini Howard Shore yaratgan.
Mukofotlar va nomzodliklari
Manba : IMDb.com[11]
Sikvel
Uzuklar hukmdori: Qirolning qaytishi
Uzuklar hukmdori: Qirolning qaytishi filmi premyerasi Wellington shahridagi Embassy kinoteatrida 1-dekabr 2003-yilda boʻlib oʻtdi, AQShda 17-dekabr 2003-yildan, Yangi Zelandiyada esa 18-dekabr 2003-yildan boshlab kinoteatrlarda namoyish qilindi. Film budjeti $94 millionni tashkil etib, kartina umumjahon boʻylab $1.1 milliard daromad koʻrishga muvaffaq boʻldi va bu koʻrsatkich bilan 2003-yilning eng kassabop filmi, dunyo miqyosida esa yigirma toʻrtinchi eng kassabop film boʻldi.
Manbalar
Havolalar
uz.wikipedia.org