Uzbek Tigers
Uzbek Tigers o‘zbek havaskor va yarim professional boks jamoasi hisoblanadi.2016-yildan boshlab WSB Butunjahon boks seriyasida ishtirok etib keladi. Uzbek Tigers 2016-yil WSB turnirining ilk mavsumida bronza medalini qoʻlga kiritdi. Jamoa tarkibida Hasanboy Doʻsmatov, Fazliddin Gʻoibnazarov, Bahodir Jalolov, Shaxram Gʻiyosov, Murodjon Axmadalaiyev va boshqa koʻplab Olimpiya oʻyinlari va AIBA jahon chempionati sovrindorlari kurash olib borishdi.
Tarixi
2015-yilda O‘zbekiston Boks federatsiyasi va O‘zbekiston Milliy olimpiya qo‘mitasi qoshida tashkil etilgan „Uzbek Tigers“ jamoasi WSBning VI mavsumidan boshlab boks seriyasida ishtirok eta boshladi. Jamoaga professional boks boʻyicha Oʻzbekiston Respublikasi terma jamoasi maqomi berildi.
Ogʻirlik toifalari va barcha bokschilar
2016-yilgi mavsum
Jahon boks seriyasi(WSB)da bokschilar 10 ta vazn toifasida ishtirok etadi.WSB eng yaxshi havaskor bokschilarni birlashtirgan dunyodagi birinchi boks ligasi hisoblanadi.Barcha WSB bokschilari Olimpiya oʻyinlarida oʻz mamlakatlarini himoya qilish huquqini saqlab qolishadi. Professional boksda boʻlgani kabi, ball qoʻyish tartibi har bir jang uchun hakamlik ball tizimi, nokaut, texnik nokaut yoki voz kechish yoʻli bilan hal qilinadi. 2016-yil 16-yanvar kuni boshlangan Butunjahon boks seriyasining (WSB) VI mavsumida O‘zbekistonning „Uzbek Tigers“ (Uzbek Tigers) jamoasi ushbu turnir tarixida ilk bor ishtirok etdi.
2017-yilgi mavsum
2016-yilning 30-noyabr kuni Shveysariyaning Jeneva shahrida Butunjahon boks seriyasining VII mavsumiga qur’a tashlash marosimi bo‘lib o‘tdi. VII mavsumda 12 ta jamoa uchta geografik hududga boʻlingan: Amerika, Yevropa/Afrika va Osiyo.Qur’a natijalariga koʻra, O‘zbekistonning „Uzbek Tigers“ jamoasi „China Dragons“, „Russian Boxing Team“ va „Astana Arlans Kazakhstan“ jamoalari bilan „C“ guruhidan joy oldi.
2018-yilgi mavsum
Butunjahon boks seriyasining VIII mavsumi 2018 yilning fevral oyida boshlangan edi. O‘zbekistonning „Uzbek Tigers“ jamoasi „Cuba Domadores“, „Columbian Heroicos“, „Caciques de Venesuela“ jamoalari bilan Amerika guruhiga kirdi. VIII mavsumda 12 ta jamoa uchta geografik hududga boʻlingan: Amerika, Yevropa va Osiyo. Guruhning dastlabki oʻyinlari 2018-yilning fevral oyidan aprel oyigacha oʻtkazildi.
Manbalar
uz.wikipedia.org