Urban Dance Squad
Urban Dance Squad — 1986-yil 20-dekabrda Utrextdagi festivalda bir martalik norasmiy chiqish qilish paytida tashkil etilgan gollandiyalik rap-rok guruhi. Ushbu guruh gitarachi, baschi, barabanchi, reper va DJdan iborat boʻlgan. Urban Dance Squad 90-yillarning eng muvaffaqiyatli Gollandiya guruhlaridan biri boʻlib, beshta studiyaviy albomini chiqargan.
Faoliyati
Urban Dance Squad birinchi marta 1986-yilda Utrextdagi De Vrije Vloer klubida norasmiy chiqish qilish maqsadida toʻplanishgan. Guruh 1989-yilda Brusselda oʻzining dastlabki Mental Floss for the Globe albomini yozadi (Jean-Marie Aerts, TC Matic tomonidan ishlab chiqarilgan) va albom bir zumda muvaffaqiyat qozonadi. Ushbu albom Edison mukofotiga sazovor boʻlgan hamda albomdagi Deeper Shade of Soul singli Yevropada va Qoʻshma Shtatlarda mashhur boʻlib, Billboard Hot 100 roʻyxatida 21-oʻrinni egallaydi.
Albomga yana ikkita singl qoʻshiladi hamda Urban Dance Squad 1991-yilda AQSh boʻylab gastrollarda boʻlib, Living Colour uchun ochilish marosimida albomni ijro etishadi. The Pittsburgh Press ularning musiqasini: „qayta ishlangan Zeppelin rifflari hamda neoHendriks gitara singllari ovoz effektlari va eski soul yozuvlari bilan toʻla“ deb taʼriflaydi. UDS har doim guruh aʼzolari bilan tez-tez bahslashib turadigan oʻzgaruvchan birlik boʻlgan.
Guruh faoliyatining oʻrtalarida granj va alternativ rok muvaffaqiyatlaridan foydalanish uchun Urban Dance Squad 1994-yil yanvar oyida Persona Non Grata albomini chiqaradi. Barcha treklar distortion va gitaradan kuchli foydalanish xususiyatiga ega boʻlgan. „No Rostly“ va „Candy Strip Exp“ singllari ushbu albomdan joy oladi. Soʻnggi singl qoʻshiqdan oldingi shovqinning koʻp qismini qisqartiradigan radio tahriri sifatida chiqarilgan. Guruhning Artantica nomli albomi 1999-yilda chiqadi va ushbu albom eski hip-hop davrlariga qaytish bosqichi sifatida qayd etiladi hamda tanqidchilarning olqishiga sazovor boʻladi. Urban Dance Squad keyingi yili tarqab ketdi, ammo ular 2006-yil oxirida yana birga chiqish qilishadi.
Musiqiy yoʻnalishlari
Urban Dance Squad musiqasi fank, soul, heavy metal, hip-hop, reggie, jazz va ska kabi musiqiy yoʻnalishlarda boʻlgan. Guruh musiqasi rap rok rap metal, hip hop, funk metal, deya tasniflangan.
Guruh aʼzolari
Diskografiyasi
Albomlar/kompilyatsiyalar
Singllar/EP taronalar
Boshqa koʻrinishlar
Filmlar
Hujjatli film
Manbalar
uz.wikipedia.org