Ummu Ali

Ummu Ali yoki Oumm Ali (misrcha: أم على), „Alining onasi“ degan maʼnoni anglatadi, anʼanaviy misr shirinligi boʻlib, Misrning milliy deserti hisoblanadi. Misrning Mamluklar davrining dastlabki yillariga borib taqaladigan bu taom Misr sultonining rafiqasi sharafiga nomlangan boʻlib, u oshpazlardan oʻzlari yaratishi mumkin boʻlgan eng mazali desertni taklif qilishni soʻragan. Tanlangan retsept butun mamlakat boʻylab tarqalib Misrning milliy taomiga aylangan.

Tarixi

Misr shirinligi Misrning Ayyubiylar sulolasidan boʻlgan soʻnggi sultoni As-Solihga va keyinchalik Misrning birinchi Mamluk sultoni Izz al-Durrga uylangan Shajar al-Durrning oʻlimini nishonlash sifatida paydo boʻlgan. Shajar al-Durr amaldagi sultonni oʻldirganidan soʻng Misr taxtiga oʻtiradi. Oxir-oqibat, uning oʻzini ham qasos sifatida oʻldirishadi, shundan soʻng Om Ali nomi bilan mashhur boʻlgan sultonning birinchi xotini oshpazlardan bayram uchun shirinlik tayyorlab berishni soʻraydi. Shirinlik butun mamlakat boʻylab ommalashadi va Ummu Ali sharafiga nomlanadi.

Retsept

Odatda qandolat mahsulotlari (non, pirojnoe) boʻlaklarga boʻlinadi va pista, kokos yongʻogʻi parchalari, mayiz va koʻp shakar bilan aralashtiriladi. Sut, baʼzan qaymoq, aralashmaning ustiga quyiladi, keyin dolchin sepiladi. Nihoyat, aralashmaning yuzasi oltin jigarrang boʻlgunga qadar pechda pishiriladi.

Uni issiq yoki sovuq holda isteʼmol qilish mumkin.

Iordaniya va Iroqda " xumaiaa " deb nomlanuvchi turi mavjud.

Taomni non va yogʻli puding bilan solishtirish mumkin.

Manbalar

uz.wikipedia.org