UMARXO’JAYEV MUHAMMAD

---

UMARXO’JAYEV MUHAMMAD (1910.5.1 — Toshkent — 1984) — O’zbekiston xalq artisti (1968). 1931-80 yillar Hamza teatrida aktyor. Turdivoy (Uyg’un, I.Sulton, “Alisher Navoiy”), Tixon (A.Ostrovskiy, “Momaqaldiroq”), Doj (U.Shekspir, “Otello”), Saidobid (M.Shayxzoda, “Mirzo Ulugbek”), Zokir (A.Muxtor, “Samandar”) kabi rollari bilan tanilgan. Qahramon xarakterini bo’rttirib gavdalantirish, ularni ko’tarinki, jo’shqin ifodalash Umarxo’jayev ijodiga xos.

Manba

---

O'zbekiston Milliy Ensiklopediyasi