Ulugʻbek Lapasov

Ulugʻbek Xidirovich Lapasov — oʻzbek diplomati, 2023-yildan Oʻzbekiston Respublikasining Birlashgan millatlar tashkilotidagi doimiy vakili. 2018—2022-yillarda Oʻzbekiston Respublikasining Birlashgan millatlar tashkiloti Jenevadagi boʻlimi va boshqa xalqaro tuzilmalardagi doimiy vakili. 2022-yildan BMTning inson huquqlari kengashi vitse-prezidenti.

Maʼlumoti

2000—2005 — Jahon iqtisodiyoti va diplomatiya universiteti, xalqaro munosabatlar bakalavriati. Fransuz, ingliz, rus, oʻzbek (ona) tillarini biladi.

2005—2006 — Jan Mulen Lion universiteti magistraturasi.

2006—2007 — Fransiya milliy administratsiya maktabi maxsus kurslari.

Mehnat faoliyati

2004—2006 — Oʻzbekistonning Belgiyadagi elchixonasi, Oʻzbekistonning Yevropa Ittifoqi va NATOdagi vakolatxonalarida referent.

2006—2008 — Oʻzbekiston Respublikasi Tashqi ishlar vazirligi Yevropa va NATO bilan hamkorlik departamentida referent, attashe.

2008—2012 — Oʻzbekiston Respublikasining Fransiyadagi elchixonasi, Oʻzbekistonning YUNESKOdagi doimiy delegatsiyasida uchinchi kotib.

2012—2014 — Oʻzbekiston Respublikasi Tashqi ishlar vazirligi Yevropa va NATO bilan hamkorlik boshqarmasida boʻlim boshligʻi.

2014—2016 — Oʻzbekiston Respublikasining Jeneva shahridagi BMT boʻlimi va boshqa xalqaro tashkilotlar huzuridagi doimiy vakolatxonasida birinchi kotib.

2016—2018 — Oʻzbekiston Respublikasining Jeneva shahridagi BMT boʻlimi va boshqa xalqaro tashkilotlar huzuridagi doimiy vakolatxonasida
maslahatchi, muvaqqat ishlar vakili.

2018-yil sentabrdan hozirgacha — Oʻzbekiston Respublikasining Jenevadagi BMT boʻlimi va boshqa xalqaro tashkilotlardagi doimiy vakili.

2022-yildan BMTning inson huquqlari kengashi vitse-prezidenti.

2023-yil 7-avgustdan Oʻzbekiston Respublikasining Birlashgan millatlar tashkilotidagi doimiy vakili.

Manbalar

uz.wikipedia.org