UWC Dilijan

UWC Dilijan kolleji — Birlashgan Jahon kollejlari harakatining 14-aʼzosi, dunyodagi oʻn sakkizta kollejdan biri va Armanistondagi birinchi xalqaro internat maktabi. Kollej 2014-yil sentabr oyida birinchi tanlab olingan 96 nafar IB talabalarni (11-sinf o‘quvchilari) qabul qildi. Hozirda maktab IB Diplomining 1- va 2- yillarini (11-12-sinflar) taklif qiladi. Hozirda maktabda 227 nafar o‘quvchi tahsil oladi va, shuning bilan birga uni yanada kengaytirish rejalashtirilmoqda.

Maktabning bir qismi Dilijan milliy bogʻi hududida joylashgan .

Vazifasi

UWC Dilijan turli millatga mansub odamlar bilan muvozanatli, qiyin va oʻzgaruvchan taʼlim orqali tinch, adolatli va barqaror dunyoga intilayotgan hamjamiyat hisoblanadi.

UWC harakati va maktabning vazifasi "taʼlimni tinchlik va barqaror kelajak uchun barcha insonlar, millatlar va madaniyatlarni birlashtiruvchi kuchga aylantirish" sanaladi.

Kollej Dilijan shahrining ajralmas qismi boʻlishni va ijobiy taraflama shaxsiy, mahalliy va global taʼsir koʻrsatishni maqsad qilgan.

Kollej oʻquv dasturi sifatida Xalqaro bakalavr (IB) diplom dasturidan foydalanadi.

Boshqaruv va moliyalashtirish

UWC Dilijan 2006-yilda Ruben Vardanyan va Veronika Zonabend tomonidan boshqa homiylar yordamida Armanistonning Dilijan xalqaro maktabini yaratish g‘oyasidan kelib chiqqan. (Rossiyadan Gagik Adibekyan, Vladimir va Anna Avetisyan, AQShdan Noubar va Anna Afeyan, Ukrainadan Oleg Mkrtchyan, shuningdek, 4 nafar anonim homiylar).

Kollej 2014-yil 11-oktabrda Armaniston Prezidenti Serj Sarkisyan, Serbiya Prezidenti Tomislav Nikolich, Armanistonlik katolik cherkovi mas’uli Karekin II va Suriya cherkovi Patriarxi Mar Ignatius Afrem II Ort ishtirokida 2014-2015 o‘quv yili uchun rasman ochilgan.

Maktab yirik xayriya yordami va 500 dan ortiq donorlarning koʻmagi bilan moliyalashtirildi. Grantlar uchun 26 million dollar yigʻilib, bu talabalarning 86 foizini toʻliq yoki qisman moliyaviy yordam bilan qoʻllab-quvvatlaydi va kapital va operatsion xarajatlar uchun 180 million dollar ajratildi. Amal Kluni livanlik yosh ayolga UWC Dilijanda qatnashishida yillik stipendiya uchun homiylik qiladi; U va uning umr yoʻldoshi UWC Dilijan kollejini qoʻllab-quvvatlagan va u yerga bir necha marotaba tashrif buyurgan.

Oʻqishni tugatgandan soʻng, UWC Dilijan bitiruvchisi Devis UWC Scholars dasturining bir qismiga aylanadi, bu ularning keyinchalik Amerika Qoʻshma Shtatlaridagi kelajakdagi oʻqishlarini moliyalashtirishga yordam beradi.

Talabalar

2016-yil 28-may kuni UWC Dilijanning ilk bitiruvchilari, dunyoning 48 davlatidan boʻlgan 96 nafar talaba ikki yillik maktabni tamomladilar va bitiruv kechasining ochilish marosimida ishtirok etdilar.

2017-2018 oʻquv yilida UWC Dilijan 82 mamlakatdan kelgan 213 talabalarning vataniga aylanishga ulgurdi. Ular dunyoning yetakchi universitetlari hisoblangan va dunyo reytingida yuqori oʻrinlarda turuvchi Yel universiteti, Kolumbiya universiteti, London universiteti kolleji, ETH Tsyurix, Sharq va Afrika tadqiqotlari maktabi (SOAS), Toronto universiteti, MakGill universiteti, Stenford universiteti, Braun universiteti, Chikago universitet, Dyuk universiteti, KGI qoshidagi Minerva maktablari , London Qirolicha Meri universiteti , Uorvik universiteti, Kaliforniya universiteti, Berkli, Edinburg universiteti, Rochester universiteti, Bennington kolleji va boshqalar kabi universitetlarida o‘qishni davom ettirmoqdalar.

Galereya

Manbalar

Havolalar

uz.wikipedia.org