Уайнхаус, Эми

Amy Jade Winehouse (talaffuzi: Eymi Jeyd Uaynhauz; 14-sentabr, 1983 – 23-iyul, 2011) ingliz xonandasi va shoirasi boʻlgan. Kuchli kontralto ovozga sohib edi, jazz, soul va R&B janrlarida ijod qilgan.

Winehouseʼning 2003-yilgi debut albomi, Frank, Birlashgan Qirollikda yaxshi qarshilandi va Mercury mukofotiga loyiq topildi. Uning keyingi, 2006-yilgi albomi, Back to Black, beshta Grammy Award mukofotini oldi, britan ayol ashulachi uchun bu rekord edi. Back to Black Birlashgan Qirollikda eng koʻp sotilgan albomlardan boʻldi. Albomdagi "Stronger Than Me", "Rehab", "Love Is a Losing Game" qoʻshiqlari hit-paradlarda yuqori joylarni egallab kelgan.

Winehouse ayol musiqachilarni hamda kiyimlar dizaynerlarini ilhomlantirgan shaxsiyat sifatida xotirlanadi. Lekin uning muammoli tomonlari ham bor edi: Amy 2007-yildan giyohvandlik va araqxoʻrlikka aralashib qoldi. Qolaversa uning sobiq eri, Blake Fielder-Civil, mushtlashuvda qatnashgani uchun hibsga olinib, qamoqqa yuborilgandi, bu Amy'ning ruhiy holatiga salbiy taʼsir qilgan. Natijada 2008-yili Winehouse sogʻligʻi ogʻirlashdi.

Winehouse 2011-yilning 23-iyulida, 27 yoshida, Londondagi uyida oʻldi; politsiya oʻlim sababini haligacha izohlamadi.

Diskografiyasi

Manbalar

Havolalar

uz.wikipedia.org