Tyrese Campbell
Tyrese Campbell (talaffuzi: Tereze Kampbel) (1999-yil 28-dekabrda tugʻilgan) — angliyalik professional futbolchi. Tyrese Campbell „Stoke City“ futbol klubida hujumchi sifatida oʻynaydi.
Yoshligi
Tyrese Campbell Buyuk Manchesterning Cheadle Hulme shahrida tugʻilgan va xususiy Cheadle Hulme maktabida oʻqigan. Tyrese Campbellning otasi Kevin Campbell „Arsenal“, „Everton“, „Nottingham Forest“ va „West Bromwich Albion“ futbol klublarida oʻynagan sobiq professional futbolchi edi.
Faoliyati
Tyrese Campbell oʻz faoliyatini „Manchester City“ futbol klubining akademiyasida boshlagan. 2016-yilning yozida Tyrese Campbell klub bilan professional shartnoma imzolash imkoniyatidan voz kechgan. Buning oʻrniga Tyrese Campbell „Stoke City“ futbol klubi bilan 1.75 million funt sterlinglik shartnoma imzolagan. Tyrese Campbell 2016—2017-yilgi mavsumda 18 yoshgacha boʻlgan „Stoke“ klubining futbolchilari bilan katta muvaffaqiyatlarga erishgan. Ular Angliya kubogi yarim finaliga chiqishgan. Tyrese Campbell 2018-yil fevral oyida murabbiy Paul Lambertni mashgʻulotlarda hayratda qoldirganidan soʻng birinchi jamoa bilan mashgʻulotlarni boshlagan.
Tyrese Campbell professional debyut oʻyinini 2018-yilning 24-fevralida Angliya Premer-ligasida „Leicester City“ klubiga qarshi oʻyinda (1:1) oʻtkazgan. Tyrese Campbell „Stoke City“ klubidagi ilk start oʻyinini 2019-yil 15-yanvarda Angliya kubogi doirasida „Shrewsbury Town“ futbol klubiga qarshi oʻyinda boshlagan. Bu uchrashuvda (3:2 hisobida magʻlubiyat) Tyrese Campbell raqib darvozasiga ikkita gol urgan.
2019-yil 31-yanvarda Tyrese Campbell mavsumining qolgan qismi uchun „Shrewsbury“ futbol klubiga ijaraga berilgan. Tyrese Campbell klub tarkibida ikki kundan soʻng „Luton Town“ futbol klubiga 3:0 hisobida magʻlub boʻlgan oʻyinda debyutini oʻtkazgan. Tyrese Campbell 16-fevral kuni „Burton Albion“ klubi bilan 1:1 hisobida durang oʻyinda ligadagi birinchi golini kiritgan. Tyrese Campbell „Shrewsbury“ futbol klubi tarkibida 15 marta oʻynab, beshta gol urishga muvaffaq boʻlgan. Tyrese Campbellning „Shrewsbury“ futbol klubidagi oʻyinlari unga 2019-yil fevral oyida EFLda oyning eng yaxshi yosh oʻyinchisi sovrinini taqdim etgan.
Tyrese Campbell 2020—2021-yilgi mavsumni yaxshi formada boshladi, 2020-yil 24-oktyabrda „Brentford“ klubiga qarshi oʻyinda gʻalaba toʻpini kiritdi. Shundan soʻng, 21-noyabr kuni Tyrese Campbell „Huddersfield Town“ futbol klubiga qarshi oʻyinda (4:3 hisobi) ikkita gol urdi. Dekabr oyining boshiga kelib Tyrese Campbell 19 ta oʻyinda 7 ta gol urdi va 5 ta golli uzatmani amalga oshirdi. Biroq, Tyrese Campbell 8-dekabr kuni „Cardiff City“ futbol klubiga qarshi oʻyinda tizzasidan jarohat oldi. Keyin Tyrese Campbell oʻn oyga safdan chiqdi va 2022-yilning 19-oktyabrida „Bournemouth“ futbol klubiga qarshi oʻyinda jamoaga qaytdi.
Faoliyat statistikasi
Manbalar
uz.wikipedia.org